Jan Frans van Bloemen
Jan Frans van Bloemen (Antwerpn, 12 meie 1662 – Rome, 13 juni 1749) was e Vlamsche landschapschilder die surtout actief was in Rome. Je was de middelstn van drie broers, alle drie kunstschilders. Den oudstn was Pieter van Bloemen en de joengstn Norbert van Bloemen.
Jan Frans reisde roend 1682 noa Parys en je bleef doar ênigte joarn. Je verhuusde ton noa Lyon, woar da zyn broere Pieter ip da moment weunde. Via Turyn trokkn Jan Frans en Pieter noa Rome, woar dan z' in 1688 geregistreerd woarn in de parochie Sant'Andrea delle Fratte. In 1690 kwam ook de joengste broere Norbert noa Rome. Pieter kêerde in 1694 were nor Antwerpn en Norbert vertrok vo 1724 nor Amsterdam.
Jan Frans blêef in Rome vo de reste van zyn leevn. Je kwam doa lid van de Bentvueghels, e sôorte broederschap van voornoamelik Nôord-en Zuud-Nederlandsche kunstnoars in Rome oender de noame Orizzonte, e verwyzienge noa zyn vele landschapsschilderien. Van Bloemen schilderde surtout klassieke landschappn die g'inspireerd woarn ip de Romeinsche buutn, dikwyls mè mythologische en religieuze oenderwerpn.
Van Bloemen a vele succes, maar je krêeg mo loate erkennienge van de voornoame Romeinsche schildersgilde, de Accademia di San Luca. Je was ton al 70 joar oud.
-
Landschap mè figeurn -
Scene in de Romeinsche Campagna -
Zicht ip Rome
|
Ofbeeldiengn die ier by passn ku je vien in de categorie Jan Frans van Bloemen van Wikimedia Commons. |