Jan IV van Broabant


Jan IV van Broabant (Atrecht, 11 juni 1403Brussel, 17 april 1427) was hertog van Broabant en Limburg van 1415 toet an zyn dôod. Je was den oudste zeune van Anton van Broabant, (broere van Jan zoender Vrêes), en Johanna van Sint-Pols.

Jan IV van Broabant
1403-1427
Jan IV van Broabant
Hertog van Broabant en Limburg
Periode1415-1427
VôorgangerAnton van Broabant
IpvolgerFilips van Sint-Pols
VoaderAnton van Broabant
MoederJohanna van Sint-Pols

Je volgde zyn voader ip, achter zyn dôod ip 't slagveld van Azincourt. Moa zyn ipvolgienge wierd deur de Rooms-Duutsche keizer Sigismund nie anveird omdat 'n verdere invloed van de Bourgondische hertoogn in 't gebied wilde teegngoan. Jan wierd wel gesteund deur zyn noenkel, Jan zoender Vrêes, hertog van Bourgondië, en deur de Stoatn van Broabant.

Je trouwde in 1418 mè Jacoba van Beyern, zyn nichte in de vierde groad. Azo kwamt 'n neffest hertog van Broabant en Limburg ook groaf van Holland, Zêeland, en Henegouwn. In 't begun verliep under huwelyk goed, moar in 1420, achter ênigte incidentn, kwoamn z' in ruuzje. Êen van de reedns was dat 'n eur belangn ols gravinne van Holland en Zêeland nie genoeg verdedigde teegn de bemoeinissn van eur noenkel Jan van Beyern. Je steunde eur en eur partie de Hoekn êerst, moa zyn vertrouweliengn zoatn in 't Kabeljowsche kamp en je stelde oender under invloed Jan van Beyern an ols ruwoard van Holland en Zêeland in 1420. Da zoudt uutendelyk leidn toet de breuke tusschn hem en Jacoba van Beyern. Achter de dôod van Jan van Beyern giengn de groafschappn were noa Jan van Broabant. Moa je stelde, oender zyn druk, in 1425 Filips de Goein an ols ruwoard en erfgenoam.

Je stierf in 1427 an zyn 23 joar. Je wierd ipgevolgd deur zyn broere Filips van Sint-Pols. Hertog Jan IV is ook bekend vo zyn bydroage an d' iprichtienge van den Universiteit van Leuven in 1425, den êestn universiteit in de Nederlandn.

Vôorouders bewerkn

Vôorouders van Jan IV van Broabant
Overgrôotouders Jean II van Vrankryk
(1319-1364)
∞ 1332
Bonne van Luxemburg
(1315-1349)
Lodewyk van Male
(1330-1384)
∞ 1353
Margaretha van Broabant
(±1323–1368)
Gwyde van Luxemburg-Ligny
(1340-1471)
∞ 1354
Mathilde van Châtillon
(1335–1378)
Thomas Holland
(±1314–1360)
∞ 1349
Johanna van Kent
(1328-1358)
Grôotouders Filips de Stoutn
(1342-1404)

Margaretha van Male
(1350-1405)
Walram III van Luxemburg-Ligny
(1357-1414)
∞ 1380
Maud Holland
(?-1392)
Ouders Anton van Bourgondië (1384-1415)
∞ 1402
Johanna van Sint-Pols (?-1407)
Jan IV van Broabant (1403-1427)