Jan van Brouchoven
Jan van Brouchoven, groaf van Bergeyck of in 't Frans Jean de Brouchoven de Bergeyck (Antwerpn 9 oktober 1644 - Mecheln 21 meie 1725) was êen van de belangrykste politiekers van de Zuudelike Nederlandn ip 't latste van de Spoansche periode.
Je was vervangend roadsman van de Road van Finansjes, commissoaris vo de krygsmacht, thesaurier-generoal, platsvervanger Road van Stoate, de facto landvoogd van de Nederlandn en minister van oorloge in Madrid.
Zyn grotvoader Gerard van Brouchoven (1580-1638), was scheepn van 's-Hertogenbosch vo dat 'n verhuusde noa Lier, in de Spoansche Nederlandn. Den oudste zeune van Gerard, Jan-Baptist van Brouchoven, vertrok van Lier noar Antwerpn, woa dat 'n in 1642 ols pôorter ingeschreevn wierd en in 1643 scheepn was. Je kwam in kennisse met Hélène Fourment, de joenge weeuwe van Peter Paul Rubens. Den 9stn oktober 1644 wierd Jan van Brouchoven geboorn en in de Sint-Andrieskerke gedopt, ols zeune van Jan-Baptiste en Hélène, die trouwdn in de loop van 1645. Der kwoamn nog vuuf wettige joengers.
In Brussel ist er e Jean de Brouchoven de Bergeyckstroate noar hem vernoemd.