Jan van Hecke
Jan van Hecke (Deisel, 1699 - Brugge 1777) was e Vlamsche beeldhouwer en meubelmoaker.
.jpg)
Over zyn leevn ist er nie vele mè geweetn. Je wierd in 1727 ols vrymêester van 't ambacht anveird. Je lêerde beeldhouwn in Brugge by Hendrik Pulinx. Uut documentn zyn der van hem twêe werkn gekend die bewoard gebleevn zyn: e simpele prêekstoel in de Sint-Annakapelle in Wiengne (1738) en zyn andêel in de prêekstoel van d' Onze-Lieve-Vrouwekerke in Brugge (1743). Êen van de vier bas-reliëfs ip de kuupe is Christus en de Samaritoansche vrouwe. Tusschn de reliëfs zyn iengeltjes angebrocht die e tekst uut de vier Evangelien toogn.
Deur studie van details en kenmerkn kunn e serie andere werkn ook an van Hecke toegeschreevn wordn, lik e kôorgestoelte in Woardamme (ca. 1730), e kôorgestoelte in Breinienge (ca. 1740) en e prêekstoel in d' Onze-Lieve-Vrouwekerke in Assebroeke (ca. 1738). Van de Rococoperiode kunn nog e poar prêekstoeln vermeld wordn lik van Westkapelle (1745), Uutkerke, Zuunkerke en Schuuferskapelle (ca. 1750-1760).