Jetairfly

Jetairfly es e Belgische luchtvoartmoatschappye met hoofdzetel in Zoaventem, Brussel die zowel lynvluchtn of chartervluchtn uutvoert. Ze doen wok vluchtn vo touroperateur Jetair.

Boeing 767 Jetairfly

Jetairfly es een dêeltje van de grôotste vakantievloot van Europa: t'hope me vuuf andere luchtvoartmoatschappyen makt ze dêel uut van de TUI Airlines groep, die een ounderdêel es van TUI Travel Plc, de grootstn toerismegroep van de weireld. TUI Airlines groepeert Jetairfly, Arkefly (Olland), Corsairfly (Frankryk), TUIfly (Duutsland), Thomson Airways (Iengeland) en TUIfly Nordic (Zweedn) me mêer of ounderd vliegers.

Jetairfly vliegt noar et Middellandsche Zêegebied, de Canarische Eilandn, 't Rôo Zêegebied, Koapverdië, Afrika en de Caraïben. Vaste thuusboasis es Brussels Airport, moar de moatschappye voert ook vluchtn uut vanof luchthoavn Ostende-Brugge, de luchthoavn van Luuk en de luchthoavn van Charleroi. In overêenkomste met de Marokkoanse zustermoatschappye Jet4you wordt er vanuut Brussels South Charleroi Airport noar Casablanca gevloogn.

In 2006 vervoerde Jetairfly round de 1,6 miljoen passagiers noar 71 bestemmiengn. In 2008 werden der verre 2 miljoen passagiers vervoerd. Zo es ze de tweede grôotste luchtvoartmoatschappye.

Geschiedenisse

Opgericht as TUI Airlines Belgium in het noajoar van 2003 en actief sinds 20 moarte 2004. Ôorsprounkelik wos 't vôorzien vour ip te startn me twee vliegers. Deur 't faillissement van Sobelair, die de mêeste vluchtn van touroperateur Jetair uutvoerde, is den ipstart versneld en uutgebreid. De vloot in 't êerste sizoen bestond uut vuuf middellangeofstandstoestelln.

Ip 23 november 2005 werd de luchtvoartmoatschappye herdoopt in Jetairfly in 't koader van de nieuwe merknstrategie, me neffest touroperateur Jetair, nu wok reisbureaukeetn Jetaircenter (dervôorn TUI TravelCenter).

Service

Ip korte en middellange afstandsvluchtn èn de passahiers keuze ut 3 types service:

• Economy: traditionele economyservice me eetn en drinkn;
• ‘Buy on Board’: een lowcostformule woar snacks en drankn tehn betaling wordn aanheboodn
• Service Plus/Vip Selection: premium eetn, hratis champagne en alcool, krantn, meer bahage. Bie vertrek vanut Brussels Airport apartn check-in, toehang tot de Vip-lounge, ‘fast lane’ security.

Ip lange afstand zijn er 2 types service:

• Economy class
• Comfort class: tzelfste link Service Plus/Vip selection, moar meer bienruimte en service, individueel in-flight entertainment, verzurgingssets, en nog en bètje....

Vliegers

Sinds 2009 beschikt Jetairfly over de joungste en modernste vloot in België die vôornoamelik bestoat uut Boeings vo korte- en middellangeofstandsvluchtn, met uutzounderienge van de Boeing 767-300 ER die surtout vo langeofstandsvluchtn gebruukt wordt. Ip de blêekblauwn buuk stoat er 'Jetairfly' en ip zyne steirt et TUI-Logo.

• 
  OO-VAS

Type	Oevele	Bestellingn	Zitplatsn
Boeing 737-700	4	0	148
Boeing 737-800	14	0	189
Boeing 767-300 ER	1	0	257
Boeing 787-800	1	0	300
Embraer 190	2	1	112
Totaal	21	2

Registroatie & noamn van de vloot
Boeing 737-700	OO-JAN (Revelation) OO-JAO (Playing to win) OO-JAR (Enjoy) OO-JAS (Emotion)
Boeing 737-800	OO-JAA (Victory) OO-JAD (Magnificent) OO-JAF (Smile) OO-JAH (Perspective) OO-JAQ (Vision) OO-JAX (Brightness) OO-JBG (Gerard Brackx) OO-JBV (Evasion) OO-JLO (Grace) OO-JPT (Sky) OO-VAC (Rising Sun) PH-TFF (Arkefly)
Boeing 767-300 ER	OO-JAP (Crystal)

Et grôotste dêel van de vluchtn noa Turkeye wordn uutgevoerd deur Free Bird Airlines. Iervôorn wordn toestelln van et type Airbus A321 en A320 ingezet.

Toekomstige uutbreidienge van de vloot:

• 2 Boeing 787-800 "Dreamliner" (2013 en 2015)

Website

• Jetairfly.com

Ofbeeldiengn die ier by passn ku je vien in de categorie Jetairfly van Wikimedia Commons.