Hoofdmenu openen
John Crombez in 2015

John Crombez (Ostende, 19 september 1973) is e West-Vlamsche socialist en docteur in d'economische wetenschappn. In de Regerienge-Di Rupo was 't ie stoatssecretoaris vo 't Bestrien van de sociale en fiscale fraude. Sins 2015 ist hy vôorzitter van de sp.a.

Vo de Vlamsche verkieziengn va 7 juni 2009 voert 'n lik politieke nieuwkommer de West-Vlamsche lyste an. E komt up, vanuut zyn thuusbasis Ostende, teegn Bart Tommelein (Open Vld), Jean-Marie Dedecker (LDD), Hilde Crevits (CD&V) en Geert Lambert (Groen). E verzeilde i moarte 2009 in e polemiek me de federale meerderheidspartien na anleidinge van hunder anpak va de economische crisis. Ze pleidooi vo bykommende inspanniengn teegn de crisis, kwam em op heftige reacties te stoan va onder andere Open Vld-voorzitter Bart Somers.

By 't ontbindn van 't parlement, de 4de meie 2010, kreegt 'n vo ze werk als gemeenschapssenateur e styve goeie beoordelienge va de gazettn De Morgen (4/5) en De Standaard (8/10). Je was azo by de beste 2 polletiekers van de 41 Nederlandstoalige senateurs.

CarrièreBewerken

Crombez studeerde economie (Universiteit Gent) en statistiek (Universiteit van Neuchâtel).

Van 1996 toet 2003 was 't ie medewerker van de vakgroep financiële economie van den Universiteit van Gent en van 2003 toet 2004 adviseur van 't kabinet Overheidsbedryvn.

In 2005 was 't ie eest kabinetschef van vice-eesteminister Johan Vande Lanotte en doarachter toet 2007 van Freya Van den Bossche.

Van 2006 toet 2008 was 't ie voorzitter van sp.a Deinze en doarachter fractiesecretoaris van Koamer en Senoat.

J' is ook docent economie an d' Hogeschole van Gent en voorzitter van voetbalclub VG Oostende. Vanof meie 2010 is 't ie voorzitter van de sp.a West-Vloandern en van 6 juli 2010 toet 6 december 2011 fractievoorzitter van de sp.a in 't Vlams Parlement.

Van 6 december 2011 toet 11 oktober 2014 was Crombez Stoatssecretoaris vo Fraudebestrydienge in de Regerienge-Di Rupo.

By de gemêenteroadsverkieziengn in 2012 ist hy verkoozn vo de sp.a in Ostende.

By de Vlamsche verkieziengn van 2014 trokt hy de West-Vlamsche sp.a-lyste en ist hy were verkoozn toet Vlams Parlementslid. In september van da joar kwamt hy fractieleider.

In 2014 wierd hy docent publieke finansjes an den Universiteit van Hasselt.

In 2015 is John Crombez verkoozn ols vôorzitter van de sp.a. Doadeure ist hy gestopt ols Vlams Parlementslid en ist hy ols fractieleider ipgevolgd deur Joris Vandenbroucke.

Externe koppeliengeBewerken