Jules de Trooz
Jules Henri Ghislain Marie de Trooz (Leuven, 21 februoari 1857 - Brussel, 31 december 1907) was e Belgische polletieker van de Katholieke partië.
Je was de zeune van lutenant-kolonel by de cavalerie Mathieu de Trooz (1812-1869) en Caroline du Chastel de la Howarderie. De Trooz volgde filosofiestudies an de Katholieke Universiteit Leuven en je kwam van 1875 toet 1890 êrevoorzitter van de Arbeidersverêniginge. Je trouwde in 1876 met Hélène van Elewyck, van oadellyke ofkomst.
Je was van 1883 toet 1889 provinsjeroadslid van de provinsje Broabant vo de Katholiekn. Van 1889 toet an zyn dôod in 1907 zat 'n vo 't arroendissement Leuven in de Koamer van volksverteegnwoordigers. Je was ook gemêenteroadslid van Leuven van 1895 toet 1899.
De 5dn ogustus 1899 wierd 'n deur keunink Leopold II benoemd toet minister van Oenderwys en Binnlandsche Zoakn in de regeringe de Smet-De Naeyer II. Je verteegnwoordigde de Belgische regeringe den 1stn december 1899 ip de begroavinge van Guido Gezelle in de Brugsche kathedroale.
De 2de meie 1907 wierd 'n Êeste minister van België toet an zyn oenverwachtn dôod den 31stn december 1907. De 6de januoari 1908 krêegt 'n in Brussel 'n officiële begroavinge in de kathedroale van Sint-Michiel en Sint-Goedele en je wierd begroavn ip 't kerkhof van Heverlee.
Êerbetôon
bewerknDer zyn verschillige stroatn en pleings noar hem vernoemd:
- in Blanknberge de Jules de Troozloane
- in Brussel de Jules de Trooz-square en de tramhalte Jules De Trooz
- in Sint-Pieters-Woluwe de Jules de Troozloane
Externe koppelinge
bewerkn- Fiche de Trooz op odis.be.