Kamagurka

Dit artikel zou beter herschreevn zyn in 't Ostends.

Kamagurka (Nieuwpôort, 5 meie 1956), eigentlik Luc Zeebroek, es ne West-Vlamsche cartoonist, standip-komiek, zanger en schildre. J' es ipgetoogn in Ostende, moa je veruust ol zêre noa Gent, woa dat ie nu nog oltyd weunt en werkt. Je têkent vorol voe de Humo en hier en doa vor e gazette.

Ie werkt vele t'hôpe mè Herr Seele, mè wien dat ie Cowboy Henk uutgevounden eet. Doarnoast zyn der nog vee andere typekes, gelyk Kamiel Kafka, Bert en Bobje, Raketman,... deur em uutgepeisd.

Duuzndpôot

Kamagurka es 't mêest bekend van zyn absurde cartoons in de Humo. Ie wint er ieder joar de prys van beste têkeneire mee in da weekblad. Ie publiceert ôok in andere tydschriftn, zowel in 't binnenland of 't buutnland (Holland, Duutsland, Vrankryk, USA,...) Moar doarnoast doe't ie nog vee andre dingn, moar de rôon droad es toch oltyd humor:

Schildern
Striptêeknen
TV-programma's moakn: Lava, Man bijt Hond, woarin da't ie hêel de Belgische grenze ofging mé nen lyntrekker
Radio-programmas: Studio Kafka ip Studio Brussel
Stand-up comedy en iptreedns: o.a. Kama Solo, Kamagurkistan, Kamagurka en de Ridders van den Apocalyps, Ontoerekeningsvatbaar en Kamagurka zingt
Muziek
Theoater
Exposities

Andere links

De website van Kama

Ofbeeldiengn die ier by passn ku je vien in de categorie Kamagurka van Wikimedia Commons.