Kasselry
De Kasselry, ook burggroafschap genoemd (Frans: châtellenie, Middellatyn: Castellania, castellatura), was ‘t belangrykste gerechtelik en administratief ounderdêel van ‘t Groafschap Vloandern.
In de 11ste êeuwe wierd deur groaf Boudewyn V van Vloandern de Karolingische gouwindêlinge vervangn deur e système van kasselryen round de belangrykste burchtn. An ‘t oofd stound een burggroaf, belast met de bewoakinge van de burcht, ‘t bestier van de kasselry in noam van de groaf en ‘t voorzitterschap van de scheepnbank (rechtbank) van de kasselry. De burggroaf ad z’n functie in erflêen, de burcht en ’t groundgebied woarn van de groaf.
Vanof ‘t ende van de 12ste êeuwe wierdn de burggroavn vervangn deur baljuws, burgerlike ambtenoars die betoald wierdn deur de groaf. De kasselryen blêevn vôortbestoan tout da Vloandern ingelyfd wierd by Frankryk in 1795. Met de Fransche Revolutie ontstoundn de provincies en de arrondissementn van nu.
In ’t begun installeerdege groaf Boudewyn V van Rysel moa vuuf kasselryen ounderverdêeld in ambachtn:
- Brugse Vrye
- Gent (mè ‘t Land van Waas)
- Sint-Omaars
- Kortryk
- Doornik
In de loate 11e êeuwe versplinterde de kasselry van Sint-Omaars vor e betere controle te kunn uutoefenn ip de ipstandige streke. Al de ambachtn wierdn kasselryen :
In ‘t begin van de 14e êeuwe is ‘t antal kasselryen nog een latste kêer uutgebreid:
- Oudenoarde (uut de kasselry Kortryk)
- Land van Waas (uut de kasselry Gent)
- Vier Ambachtn (uut de kasselry Gent)
- Bornem
- Woastn (Warneton)
- Dendermonde