Hoofdmenu openen

Wikipedia β


De katachtign (Felidae) zyn e familie van roofbêestn. ‘t Zyn de mêest uutgesprookn vlêeseters. Z' èn 't vlêes van bêestn nôdig vo t' overleevn. Ze kommn van nateure vôorn ip verre al de continentn, juste nie in Australië en ip Antarctica.

De katachtign zyn nachtbêestn die by schemerdoenker nog goed kunn zien. De pupille van under oogn is over 't algemêen spleetvormig en styf soamntrekboar. Under hoektandn zyn styf grôot. De toenge, bedekt met e loage ruwe papilln, komt goed van passe vor under eign proper te lekkn en by 't schreepn van 't vlêes van under prôoie. Z' èn gevoelige ôorn, woadeure dan z' under prôoie gemakkelik kunn lokaliseern en under evenwichtsorgoan is ook goed oentwikkeld. Under lange snorhoarn zyn styf gevoelige tastorgoann. Katachtign èn e lenig, gespierd lyf en sterke flexibele pôotn. Z' èn klauwers an under têens, die intrekboar zyn, uutgenoomn by de cheeta. De mêeste katachtign leevn in busschn en zyn goeie klemmers mè scherpe noagels. Z' èn dikwyls e karakteristiek gestriepte of gevlekte vacht vo camouflage. De mêeste sôortn leevn solitair, uutgezoenderd de lêeuw.

Geslachtn en sôortnBewerken

  • Subfamilie Felinae (klêene kattn)
    • Geslacht Acinonyx
      • Acinonyx jubatus, Cheeta
    • Geslacht Caracal
      • Caracal aurata, Afrikoansche goudkatte
      • Caracal caracal, Caracal of woestynlynx
    • Geslacht Felis
      • Felis chaus, Moeraskatte
      • Felis margarita, Zandkatte
      • Felis nigripes, Zwartvoetkatte
      • Felis silvestris, Wilde katte
    • Geslacht Leopardus
      • Leopardus braccatus, Pantanalkatte
      • Leopardus colocolo, Colocolokatte
      • Leopardus geoffroyi, Geoffroykatte
      • Leopardus guigna, Kodkod
      • Leopardus jacobitus, Andeskatte
      • Leopardus pajeros, Pampaskatte
      • Leopardus pardalis, Ocelot
      • Leopardus tigrinus, Oncilla
      • Leopardus wiedii, Margay
    • Geslacht Leptailurus
      • Leptailurus serval, Serval
    • Geslacht Lynx
      • Lynx canadensis, Canadeesche lynx
      • Lynx lynx, Euraziatische lynx
      • Lynx pardinus, Pardellynx
      • Lynx rufus, Roste lynx
    • Geslacht Otocolobus
      • Otocolobus manul, Pallaskatte
    • Geslacht Pardofelis
      • Pardofelis badia, Borneogoudkatte
      • Pardofelis marmorata, Marmerkatte
      • Pardofelis temminckii, Aziatische goudkatte
    • Geslacht Prionailurus
      • Prionailurus bengalensis, Bengoalsche tygerkatte
      • Prionailurus iriomotensis, Iriomotekatte
      • Prionailurus planiceps, Platkopkatte
      • Prionailurus rubiginosus, Rostgevlekte katte
      • Prionailurus viverrinus, Viskatte
    • Geslacht Puma
      • Puma concolor, Poema
      • Puma yagouaroundi, Jaguarundi
  • Subfamilie Pantherinae (grôote kattn)
    • Geslacht Neofelis
      • Neofelis diardi, Nevelpanter van Borneo
      • Neofelis nebulosa, Nevelpanter
    • Geslacht Panthera
      • Panthera leo, Lêeuw
      • Panthera onca, Jaguar
      • Panthera pardus, Panter
      • Panthera tigris, Tyger
      • Panthera uncia, Snêeuwpanter