Klakkebusse (proppeschieter)
Een klakkebusse, klak(ke)bosse of klabosse is e proppeschieter woa dat de jounges vroeger mee speeldn.
De klakkebusse wierd gemakt van vlierhout. Van e recht stik tak van à peu près 12 cm lank hoaldn ze 't merg d'r uut. En ip een ander stiksje hout wierd er e lange noagel mè kop vastegemakt, die paste in d'openienge van de vliertak. Twi plukkn vlaskrote (vlasrestn) wierdn ton tout proppn gesjiekt. Den êeste prop wierd met de kop van de noagel tout 't ende van de vlierbuze geduwd. De twidde prop van vôorn in de buze. Os je de noagel deur de buze duwde, vloog den êeste prop d'r met e knal uut. De weggevloogn prop wierd er ton were van vôorn ingebrocht en 't spelletje herbegost.
De noame klakkebusse is e soamnstellienge van klak (klap, leevn moakn) mè busse, bosse (geweir).
Andere betêkenissn
bewerknIn sommigte streekn gebruukn ze klakkebusse oek voen de boom woaruut dan klakkebussn emakt zyn (vlierhout dus). Oendermêer in de streke van Yper is dat ezô.