De Kroaiberg is een heuvel in 't West-Vlams Heuvelland by Wulvergem.

De Kroaiberg is een oenderdêel van de zudelykn heuvelkam in 't Heuvelland, die ook bestoat uut de Roavensberg, de Zwarte Meuln, De Walletjes, d' Hellienge van Nieuwkerke en de Rozenberg. Te zuudn dervan ligt 't stroomgebied van de Leie en te nôordn ligt de centroaln heuvelkam woar dat oender andere de Kemmelberg dêel van uutmakt. Tusschn de zudelykn en centroaln heuvelkam ligt 't riviertje de Douve. Alles te zuudn van de centroaln heuvelkam stroomt noa de Leie, alles te nôordn dervan noa den Yzer.

Koers bewerkn

Kroaiberg
Top 50 m
Locoatie Euvelland
Startplekke Wulvergem
Ôogteverschil 10 m
Lengte 300 m
Stygiengs-% (gem) 3,3 %
Steilste stik 7 %

D' hellienge is vele ipgenoomn gewist in Gent-Wevelgem. In 1991 pakte de wielerklassieker vo den êeste kêe sedert 1955 de Kemmelberg nie ip in 't parcours, vanwege e dreigndn boycot van vier Fransche wielerploegn. Ze woarn nie akkôord mè 't feit da ze zoender volgwoagn mè ploegleider over de Kemmelberg mostn. D' organisoasje beslôot doarip van de Kemmelberg te schrappn. In de plekke van drie beklemmiengn van de Kemmelberg wierd er gezocht noa "2e rangs" helliengn lyk de Goeberg, de Sukerberg en de Kroaiberg.

In 1998 en 1999 wierd de kuststreke by Ôostduunkerke verloatn en wierd een extra lusse deur 't Heuvelland meugelyk. De Kemmelberg wordt êen ki beklommn en de Kroaiberg, d' Hellienge van Meesn en d' Hellienge van Geluveld wordn ipgenoomn.

De Kroaiberg wordt ook beklommn in Ledegem-Kemmel-Ledegem vo juniors.