Leie (departement)

't Departement Leie (département de la Lys) was e Frans departement, die gevormd is in 1795 by d' annexoasje van de Zudelikke Nederlandn by Frankryk. 't Is genoemd noa de riviere de Leie. Vodien was 't e dêel van 't Groafschap Vloandern.

Departement Leie (Lys)

D'n hoofdstad was Brugge. 't Was ingedêeld in arroundissementn en kantongs:

• Arroundissement Brugge:
  • kantongs Ardôoie, Brugge, Gistel, Ostende, Ruuslee, Tielt en Toeroet
• Arroundissement Kortryk:
  • kantongs Oavelgem, Oarelbeke, Ingelmunster, Kortryk, Mêende, Mullebeke, Môoslee (Wevelgem), Rôzebeke en Roeseloare
• Arroundissement Veurn:
  • kantongs Diksmuude, Oarienge, Nieuwpoort en Veurn
• Arroundissement Yper:
  • kantongs Elverdienge, Ooglee, Mêesn, Passchendoale, Poperienge, Wervik en Yper.

Achter de val van Napoleong by Woaterloo hen de g'allieerdn in 1815, binst 't Congres van Wenen, beslist da Frankryk 't gebied most ofstoan en 't departement Leie is de provinsje West-Vloandern gekommn in 't Verênigd Keunienkryk van de Nederlandn.