Manitoba is e provinsje die centroal in Canada ligt. 't Is de vuufde mêest bevolkte provinsje van 't land. Den hoofdstad en grotste stad is Winnipeg.

Liggienge van de provinsje Manitoba in Canada

Manitoba besloat een ippervlakte van 647.797 km² en grenst an Ontario in 't ôostn, Saskatchewan in 't westn, 't territorium Nunavut in 't nôordn en d' Amerikoansche stoatn North Dakota en Minnesota in 't zuudn. In 't nôordôostn grenst de provinsje an de Hudsonboaie.

Manitoba hèt e styf gevarieerd landschap, van arctische toendra en de kustlyne van Hudson Bay in 't nôordn, toet dichte boreoale busschn, grôte zoetwoatermeern en prairiegrasland in de centroale en zudelike gebiedn.

Mêer of den helft van d' inweuners weunt in de stad Winnipeg. De grotste etnische groep in Manitoba is Iengels (16,1%), gevolgd deur Schots (14,5%), Duuts (13,6%), Oekraïens (12,6%), Iers (11,0%), Frans (9,3%), Filipyns (7,0%) , Métis (6,8%), Pools (6,0%), First Nations (4,5%), Russisch (3,7%), Nederlands (3,3%), Indisch (3,0%) en Yslands (2,4%). D' officiële toaln van Manitoba zyn Iengels en Frans. De tien mêest gesprookn toaln in de provinsje zyn Iengels (98,6%), Frans (8,55%), Tagalog (5,62%), Punjabi (3,28%), Duuts (3,21%), Hindi (2,06%), Spoans (1,79%), Mandaryn (1,28%), Cree (1,23%) en Plautdietsch (1,15%).

Zicht ip Winnipeg, hoofdstad van Manitoba
Wikimedia Commons