Mars (planete)
Mars (symbool: .svg){kind=small}
) is vanof de zunne geteld de vierde planete van ons zunnestelsel, round de zunne draoiend in een boane tusschn die van d' Eirde en Jupiter. De planete is klinder of d'Eirde en med e (maximum) magnitude van -2,9 minder kloar of Venus en mêestol minder kloar of Jupiter. Mars wordt ôok wel de rôo planete genoemd mor is in werkelikheid êerder okerkleurig. De planete is vernoemd no de Romeinse god van den orlooge. Mars is gemakkelik me 't blôote oge te zien, vorol in de moandn roend een opposiesje. 's Nachts is Mars ton te zien lik een kloare rôodachtige "sterre" die deur dat je relatief dichte is, gin puntbronne is mor een schyvetje. Dorom floenkert Mars nie gelik e verre rôo sterre lik Aldebaran.
Mars is een terrestrische planete med een dinne atmosfeere. 't Ippervlak is ip sommigte plekkn juuste gelik de Moane bezoaid med inslagkroaters, bist dat ip andere plekkn, juust gelik ip d'eirde, vulkoan'n, lêegtes, zanddunen en poolkapp'n vôornkomm'n. Boovndien komm'n ôok de rotoatieperiode ("dag") en de wisseliengn van de sizoen'n ip Mars overêen met d'Eirde.
Mars et twêe moan'n, Phobos en Deimos, olletwêe klêene oenregelmoatig gevormde objectn. Ze veroenderstell'n dat die twêe moan'n deur de zwoartekracht va Mars ingevang'n planetoïden zyn.
Den diameter van Mars is 6794 km. In 24 euren en 37 minuut'n droait Mars roend z'n asse en in 686,98 daag'n droait ie roend de zunne.
Externe verwyzienge
bewerkn
|
Ofbeeldiengn die ier by passn ku je vien in de categorie Mars (planet) van Wikimedia Commons. |