Meyerie van 's-Hertogenbosch
De Meyerie van 's-Hertogenbosch is e landstreke in 't ôostelyk dêel van Nôord-Broabant.
.svg)
't Gebied roend Sint-Michielsgestel, Boxtel, Schyndel, Veghel en Sint-Oednrode droagt den dag van vandoage de noame Meyerie. De latste drie gemêentn zyn in 2017 gefusioneerd toet e nieuwe gemêente Meyeriestad, verwyznd noa 't gebied woarin dan ze liggn.
Geschiedenisse
bewerknHistorisch was 't êen van de vier dêeln (kwartiern) van 't hertogdom Broabant. D' andere drie woarn Leuven, Brussel en Antwerpn. 't Kwartier van 's-Hertogenbosch was den ipvolger van e dêel van de vroegere gouwe Toxandria. In d' 11e êeuwe verzwakte de macht van den Duutsche keizer en de gouwgroaf van Toxandria. De macht kwam in handn van platselyke hêern. In de 12e en 13e êeuwe kwam 't gezag in 't grotste dêel van 't gebied in handn van den hertog van Broabant die e meyer anstelde, te vergelykn met e baljuw. De noame Meyerie verwyst noa die oude bestiersvorm.
D' historische Meyerie besloeg 't grotste dêel van Ôost-Broabant. D'n hoofdstad was 's-Hertogenbosch. De reste was ingedêeld in vier kwartieren (districtn):
- Kwartier van Oisterwyk (hoofdstad: Oisterwyk)
- Kwartier van Kempnland (hoofdplekke: Oirschot, loater Eyndhoven)
- Kwartier van Peelland (hoofdstad: Sint-Oednrode, loater Helmond)
- Kwartier van Moasland (hoofdstad: Oss).