Oelan-Bator
Oelan-Bator (Cyrielliesch Mongoolsch : Улаанбаатар; wa da betêeknt "Rôo Held") is den oofstad en de grotste stad van Mongoolje. 't Is e fidderoale gemêente die gin dêel is van êen van de Mongoolsche provinsjes (ajmags), en zyn bevôkienge was in 2014 mêer of 1,3 mieljoen menschn
Geleegn in nôordlik-sentroal Mongoolje ip 'n ogte van roend de 1 310 m, in e valleeje van de Tuul-Rieviere. 't Is vo kuultuure, nyvreid en fienansjes 't êrte van 't land, 't middlpunt van 't weegn-netwerk en 't is verboenn per spôorweg zowêl mê de Transsiebeeriesche Spôorweg in Rusland lik mê de spôorweg no China[1].
De stad wierd gesticht in 1639 lik e verplatsboar nomoadiesch Boediestiesch sentrum. In 1778 wierd 't e vaste nêerzettienge ip de plekke woadat de rieviern Tuul en Selbe tegoare kommn. Doavôorn veranderd' 't achtntwientig kêers van platse, woaby da iedre plekke sêeremonjêel gekoozn was. In de twientigste êewe groejde Oelan-Bator uut toe e belangrik sentrum vo de nyvreid [1].
Verwyziengn bewerkn
<references>