Ofsluutdyk

Den Ofsluutdyk ligt tusschn de Waddnzêe en 't Ysselmeer. De 32 kilometer lange woaterkêrienge sluut 't Ysselmeer of van de Waddnzêe, vandoar de noame. De verkêersweg over den dyk, ounderdêel van Ryksweg 7, verbiendt Nôord-Holland vanof "Den Oever" mè Friesland.

Liggienge van den Ofsluutdyk

Standbeeld van ir. Cornelis Lely ip den Ofsluutdyk

Geschiedenisse

Den Ofsluutdyk, angeleid begun 1927 en gerêed up 28 meie 1932, diende vo de Zuuderzêe te kunn inpoldern en ôok vo 't veiliger te moakn vo de beweuners round die vôormoalige zêe. Achter 't anleggn van den dyk kreeg de Zuuderzêe een andere noame en wierd 't Ysselmeer genoamd.

Al in 1886 woarn der e poar belangryke menschn die de Zuuderzêeverênigienge uprichttn vo t' ounderzoekn of droogleggienge hoalboar was. Êen van die leedn wos Ingenieur Cornelis Lely, die loater vôorzitter wierd van die verênigienge. In 't joar 1891 kwam't hy me zyn êeste plan vo d' inpolderienge en ofsluutienge van de Zuuderzêe. In 't joar 1913, Cornelis Lely wos intusschn minister van woaterstoat, wierd d' inpolderienge upgenoomn in 't regeriengsprogram, oundanks vele protestn uut de visschery. Moar achter de woatersnôod in 1916 plus den houngersnôod in 1918 veranderdn ze van gedacht en ze lietn hunder verzet voarn en azo kost er achter akkoord van 't parlement begost wordn met da megaproject.

Trivia

• Plannn vo de Zuuderzêe of te sluutn woarn der al in de 17e êeuwe.
• Up 28 meie 2012 bestoat den Ofsluutdyk 80 joar.
• Sinds dat den Ofsluutdyk der is, is den ofstand van Den Oever noa Sneek moa 52.6 kilometer. Vroeger wos da 160 kilometer omda je ton most ryen round 't Ysselmeer vo der te geroakn.

• 
  Ofsluutdyk noa Den Oever
• 
  Koazemat no. 16 gezien vanof den Ofsluutdyk by Kornwerderzand in Friesland (ryksmonument)

Ofbeeldiengn die ier by passn ku je vien in de categorie Ofsluutdyk van Wikimedia Commons.

Referensjes

• Geschiedenisse van de Ofsluutdyk - rijkswaterstaat.nl
• Geschiedenisse vo d' ofsluutienge - spanvis.nl