Oftelrymtje
Een oftelrymtje is e rymtje da klêne joens gebruukn om te kykn wie dat er meugt, of moet, begunn met e spelletje.
Oe goat et in zyn werk? bewerkn
Olleman schuuft ze schoe noader. Êen twien (de teller) doet de roende van de schoes, e goat de reke of. Mêestol toogt 'n teller me zyn vienger by wie dat 'n ekommn is. By idder lettergrepe verspringt ze vienger va schoe. Op 't ende van 't rymtje komt de teller by etwien uut: die persôon volt toen af. De teller zegt were 't zelfste rymtje op voe de schoes die overbluuvn. Toet op 't moment dan d'r nog moa êen over is. Om te begunn me telln, duwt de teller dikkers oek me zyn vienger in 't middn van 'n groep, en e zegt ton: trou (dat is Frans voe: gat).
Wuk gebeurt er met 'n overbluver? bewerkn
'n Overbluver is ni perse de winnoare van 't oftelrymtje. Pakt nu a ze voetbol speeln: ton is dat kiendje de kapiting, en meug et kiezen wie dat er in zyn ploeg speelt. Moa a ze katje-duuk speeln, is 'n overbluver de verliezer: nem, of zy, moe ton ol d'ander kiendjes zoekn, en dat is nie zo gêestig.
De betêkenisse van de wôordn bewerkn
De rymtjes willn eigentlik nietn zeggn; de wôordn zyn zoender betêkenisse, en zyn surtoe gebruukt omda ze goed rymn. Doadeurn kunn klêne joens ze beter ontoudn.
Êentige vôorbeeldn in 't West-Vlams bewerkn
- trou!
- ute, nute koekestute,
- ute, nute, of!
oendje, stroentje, bolletje, rolletje, of!
- zym, zam, zom!
- de katte va Jerom is dom!
etje bletje of
- Up 'n tôorn stoeg e mette
- Êen van de soldoatn schôot i neur tette
- Ai, zei die mette, e kogel i me tette
- Pief, poef, paf, en gie zydt er van af