Orsja

Dat artikel es geschreevn in 't Noordelik West-Vlams.

Orsja (Wit-Russisch: Орша of Ворша, Russisch: Oрша, Litouws: Orša) is e Wit-Russische stad met 116.000 inweuners in d'n oblast Vitebsk. 't Ligt in 't nôordôost'n van 't land, an de riviere d'n Dnjepr.

Vlagge
woap'nschild

D' oedste vermeldienge van Orsja dateert uut 1067, Rsha genoemd, woardeure da 't êen van d' oedste steed'n is van Wit-Rusland. In 1320 kwam 't e dêel van 't grôotvorst'ndom Litouwn. In 1514 is de Slag by Orsja uutgevocht'n tusschn 't grôotvorst'ndom Litouwn en 't keunienkryk Pooln teegn 't grôotvorst'ndom Moskou.

Binst de Twèede Weireldoorloge stiervn 19.000 menschn in deur de nazi's gebouwde concentroasjekamp'n in en roend de stad. Orsja wierd bykan hêlegans verwoëst.

Achter d'n oorloge kwam Orsja 'n industrieel center en e belangryke hoavn an d'n Dnjepr.

Ofbeeldiengn die ier by passn ku je vien in de categorie Orša van Wikimedia Commons.