Peird

(deureverweezn van Peirdn)

't Peird (Equus ferus caballus) is e gedomesticeerde hoefbêeste uut de orde van de oeneevnhoevign. 't Is êen van de sôortn uut de familie van de peirdachtign (Equidae). 't Gedomesticeerd peird stamt of van 't wild peird (Equus ferus). 't Wordt surtout g'houdn ols rypeird of trekpeird.

't Skelet van e peird bestoat uut gemiddeld 205 bêenders. Peirdn en gin sleutelbêen en z'en moar êen têen per bêen.

Peirdn zyn herbivoorn (plantneters), moa gin herkauwers. Under vôortandn gebruukn ze vo gras of te trekn en doarachter wordt 't vermoaln deur d' achterste tandn. Ze kunn zowel stoand of lignd sloapn.

Under vacht kan efn zyn van kleur moar ook in verschillige kleurn. Kleurn die vele vôornkomn zyn bruun, zwart, voskleurig (bruunrôod) en grysde. De moann, 't lang hoar ip de boovnkant van under nekke, zoun oentstoan zyn ols beschermienge teegn roofbêestn lyk katachtign, die ip de rik van 't peird spriengn en in under nekke bytn. De steirt wordt gebruukt vor insectn te verjoagn.

't Peird is e kuddebêeste en wordt à peu près dertig joar oud.

Skelet van e peird
Wikimedia Commons