Platvissn

Dat artikel es geschreevn in 't Noordelik West-Vlams.

Platvissn

Schurftvis (Arnoglossus laterna)

Ryk:	Animalia (Bêestn)
Stamme:	Chordata (Chordabêestn)
Klasse:	Actinopterygii (Stroalvinnign)

Orde

Pleuronectiformes
Linnaeus, 1758

Platvissn (Pleuronectiformes) zyn een orde van stroalvinnige vissn die ip hunder zykant ip de bodem leevn. Deur hunder kleur kunn z' hunder styf goed camoufleern en ze liggn dikwyls verdookn oender 't zand.

By vele soortn liggn de twèe oogn an één kant van de kop. Binst d' oentwikkelienge verandert één oge van platse.

Vele vissn die g'eetn wordn deur de mens, moakn dêel uut van die orde, lyk toengn, terrebut, ploatn en heilbut. Der zyn meer of 600 beschreevn soortn, geplatst in 11 families. Ze wordn deur den band verdeeld in twèe subordes, Psettodoidei en Pleuronectoidei. De grotste families zyn de Soleidae, Bothidae en Cynoglossidae met elk meer of 150 soortn.

Families

Suborde Psettodoidei
- Familie Psettodidae (Grootbekbuttn)
Suborde Pleuronectoidei
- Familie Achiridae (Amerikoansche toengn)
- Familie Achiropsettidae (Zuudelyke buttn)
- Familie Bothidae (Lienksogige buttn)
- Familie Citharidae (Cithariedn)
- Familie Cynoglossidae (Hoendstoengn)
- Familie Paralichthyidae (Zandbuttn)
- Familie Pleuronectidae (Reksogige buttn)
- Familie Samaridae (Kambuttn)
- Familie Scophthalmidae (Terrebutachtign)
- Familie Soleidae (Toengn)

Toenge (Solea solea)
Microchirus ocellatus
Ploate (Pleuronectes platessa)

Ofbeeldiengn die ier by passn ku je vien in de categorie Pleuronectiformes van Wikimedia Commons.