E powiat (uutsproake: [pɔvʲat], poviat, mv. powiaty) is 't administratief twidde niveau in Pooln. 't Komt overêen met e groafschap, district, prefecteure of landkreis in andere landn. E powiat is oenderdêel van e woiwodschap en bestoat uut gmina's (gemêentes).

Powiats in Pooln

Grôote steedn, surtout mè mêer of 100.000 inweuners, valln nie oender e powiat moar èn e zelfstandig bestier, zoender oenderverdêelienge in gmina's. Ze wordn powiat grodzki (stadsdistrict) genoemd.

Der zyn 379 districtn mè powiat-status in Pooln: 314 landdistrictn (powiaty ziemskie) en 65 stadsdistrictn (powiaty grodzkie).