RV Zeeleeuw
De RV Zeeleeuw was 'n oundrezoeksschip da' van 1999 toe juni 2012 voarde vô de Vlamsche overheidsrêedery VLOOT, 'n oundredêel van 't Agentschap vô Maritieme Dienstverlêenienge en Kuste (MDK). 't Schip wierd ommegebouwd toe een voartuug vô zêeweetnschapplik oundrezoek van 't Vlams Instituut vô de Zêe (VLIZ). Van 1977 toe 1999 was 't e lôodsbôote, de Loodsboot 2 die zowel vanuut Ostende lik vanuut Vlissiengn wierd ingeschaakld.
't Schip voer vô weetnschapplik oundrezoek in de Belgische maritieme woatrs mor ook in de Fransche en Ollansche kustwoatrs, en in de Westerschelde. Dr wierdn verschillnd' ipdrachtn vulbrocht, woaroundre e moandliksche reize vô weetnschapplikke meetienge van omgeeviengsparameetrs en zêeveugle-telliengn.
Vôdre wierd de boodmfauna oundrezocht, wierdn al de meetiengn gedoan die nasjonaal en intrenasjonaal verplicht zyn lik vô de Koadrerichtlyne Woatre. Ook wierdn de gevolgn oundrezocht vô de leef-omgeevienge van de wiendmeulnparkn ip de Thornton- en Blighbank. Weetnschapprs van de Vlamsche weetnschapplikke instituutn en universiteitn kostn’ voartyd anvraagn.
't Schip wierd in juni 2012 vervangn deur de "RV Simon Stevin", die gebouwd wierd deur de matschappy Damen Shipyards Group uut Gorinchem in Olland.
Eksterne koppliengn’
bewerkn- (en) Zeeleeuw - Vessel's Details and Current Position, MarineTraffic.com
- (en) RV Zeeleeuw
- (en) RV Zeeleeuw