Richard II van Normandië

Richard II van Normandië, bygenoamd de Goein (Normandië, 23 ogustus 963 - Fécamp, 28 ogustus 1026 of 1027), was den oudste zeune van Richard I van Normandië en van Gunnor.

Os zyn voader stierf in 996 was t ie nog styf jounk en je wierd ol direct geconfronteerd met e boernipstand. Zyn nounkel, Rudolf van Ivry, kost hunder versloan, en je liet van de leiders van de rebelln hunder handn en voetn ofkappn.

Richard hielp keunienk Robert II van Vrankryk teegn ’t hertogdom Bourgondië.

Je liet de Vikings hunder anvolln ip d’Iengelsche Angelsaksn organiseern vanuut ‘t westn van zyn groafschap. In ’t joar 1000 most ie hem verdedign teegn ’n anvol van keunienk Ethelred II van Iengeland, moar in 1002 sloot ’n vrede en je liet zyn zuster Emma van Normandië trouwn met Ethelred.

Je probeerdeg ook goed te stoan met Odo II van Blois, die mocht trouwn mè zyn andere zuster Margaretha.

Richard trouwde in 996 mè Judith van Bretagne.

Hunder jounges:

• Richard III, hertog van Normandië
• Adelaide, getrouwd mè Renaud I, groaf van Bourgondië
• Robert I van Normandië, hertog van Normandië en voader van Willem de Veroveroare
• Willem, monnik in Fécamp
• Eleonora van Normandië, getrouwd mè Boudewyn IV van Vloandern
• Mathilde, nunne in Fécamp

Achter Judith 's dôod in 1017 trouwdegt ie more danico (de Deensche maniere) mè Poppa van Envermeu. Hunder jounges:

• Mauger, aartsbisschop van Rouen
• Willem, groaf van Arques

Je zoudt ook nog e derde vrouwe g’hed hen: Astrid (Estritha) en verschillige more danico concubines (frilla) met ounwettige jounges.