Richard van Orley

Dat artikel es geschreevn in 't Kustwestvlams.

---

Richard van Orley of Richard van Orley II (Brussel, 16 juli 1663 – Brussel, 20 juni 1732) was e Vlamsche kunstschilder, têeknoare en etser. Je was e telg uut e beroemd Brussels kunstnoarsgeslacht.

Bacchus en Ariadne, pentêeknienge deur Richard van Orley

Van Orley krêeg zyn ipleidienge by zyn voader Pieter van Orley, e landschapschilder en miniaturist. Zyn œuvre bestoat oender andere uut e stik of 500 têekniengn, 70 originele etsn en 30 miniateurn. Je was e belangryke graveur en surtout bekend vo zyn etsn, gemakt noa têekniengn deur de kunstnoare Augustin Coppens, over de bombardementn ip Brussel deur de Fransche troepn in 1695. Je werkte ook tegoare mè zyn broere Jan die êen van de belangrykste oentwerpers van Vlamsche wandtapytn was van de loate 17e en vroege 18e êeuwe.

De ruïnes van Brussel by de Grôte Markt achter e bombardement deur de Fransche in ogustus 1695, gegraveerd deur Richard van Orley noar een oentwerp van Augustin Coppens

Ofbeeldiengn die ier by passn ku je vien in de categorie Richard van Orley (II) van Wikimedia Commons.