Robrecht II van Vloandern

(deureverweezn van Robrecht van Jeruzalem)

Robrecht II of Robrecht van Jeruzalem (Robertus Hierosolimitanus) (ca. 1065– 5 oktober 1111 by Meaux) was den oudste zeune van Robrecht de Fries en Gertrude van Saksn. Je was Groaf van Vloandern van 1093 tout an zyn dôod. Je krêeg zyn bynoame deur van hem te loatn hoorn binst den êeste Kruustocht (1096-1099).

Robrecht II
ca. 1065 - 1111
Groaf van Vloandern
Periode1093 - 1111
VôorgangerRobrecht I
IpvolgerBoudewyn VII
VoaderRobrecht I van Vloandern
MoederGertrude van Saksn

Zyn voader Robrecht de Fries was ol ip bedevoart gewist noa ’t Hillig Land (1086-1090), en was doamee de voorloper van de kruusridders. J’ha doa militaire hulpe gegeevn an de Byzantynsche keizer Alexios I Komnenos teegn de Turkn. Binst dat ’n weg was, was Robrecht II regent over ’t groafschap Vloandern. Achter da zyn voader werekêerde, krêegt ‘n ’t besteur over ’t zudelik stik van ’t groafschap in handn.

In 1089, binst zyn regentschap, hèt ‘n belangryke administratieve verbeteriengn ingevoerd. Den 30stn oktober 1089 benoemdegt ie de provoost van de Brugsche Sint-Donaaskerke tout groafelik kanselier en belastiengountvanger, en in de burchtn, verspreid over hêel ’t groafschap, wierdn de kastêelhêern die vor hunder leevn benoemd woarn vervangn deur ofzetboare baljuws. De belastiengountvangers en de baljuws woarn de verteegnwoordigers van de groaf, die azo zyn groafschap beter kost leidn.

Robrecht II was e trouwe vazal van de Fransche keunienk. Met de Duutsche keizer Hendrik IV stound ‘n nie zo goed, omdat ’n hem wilde moein met ’t bisdom Koameryk in ’t westn van ’t Duuts Ryk.

Êeste Kruustocht bewerkn

Ip ’t Concilie van Clermont, den 18stn november 1095, riep paus Urbanus II ol de stryders van ’t westn ip, vo Jeruzalem te goan reddn teegn de Turkn. In 1096 volgde Robrecht II de groep van Godfried van Bouillon en je was êen van de belangrykste figeurn van den êeste Kruustocht. Ter hoogte van hunder schoere wierd er e kruus genoaid ip hunder klêers, van doa de noame kruusridders.

Vrouwe en jounges bewerkn

Round 1090 is Robrecht II getrouwd mè Clementia van Bourgondië, zuster van paus Calixtus II, die ‘t bisdom Atrecht iprichtte. Z’haan drie zeuns:

In ’t joar 1100 liet Robrecht II d’Abdy van Zeevnkerkn in Sint-Andries (Brugge) bouwn.

In 1111 ist ’n by Meaux gestorvn in de veldtocht van keunienk Lodewyk VI van Vrankryk teegn groaf Theobald IV van Blois, die an de kant stound van Iengeland.

J’is begroavn in de Sint-Vaastabdy van Atrecht. Zyn zeune Boudewyn VII met de Byle volgdeg hem ip.