Sint-Pols (Noorderdepartement)

Sint-Pols (Frans: Saint-Pol-sur-Mer, Nederlands: Sint-Pols ofte Sint-Pols-aan-Zee) es e vroegere gemêente in't Fransche Noorderdepartement die nu e zogenoemde "commune associée" es vande stad Duunkerke. De dêelgemêente ligt ande westkant van Duunkerke-Centrum, tusschn de hoavn, de wyk l'Île Jeanty (Duunkerke-Zuud), Klêen-Sintn en Fort-Mardyk. Sint-Pols it en ippervlakte van 5,14 vierkante kilomèiters en telt apeupri 22000 inweuners.

De dêelgemêente Sint-Pols (in't bruun) ip e koarte van Duunkerke

De gemêente es ountstoan in 1877 achter da't ofgespletst wierd van Klêen-Sintn (da ton nog e zelfstandige gemêente wos mo oundertusschn ôok ol e gedêelte van Duunkerke es). In 2003 wierd beslootn deur de gemêenteroadn van te fuuzjeneern me Duunkerke, mo by e volksroadpleegienge ieroovr in december 2004 wierd 't ipkomstquotum van 25 percent nie g'oald, waarip de fuuzje nie deuregieng. In 2010 wierd die beslissienge nietig verkloard en wierd Sint-Pols toch nog e "commune associée" van Duunkerke.