Lernout en Hauspie: verschil tussen versies

'''Jo Lernaut''' en '''Paul Hauspie''' zin in 1987 begonnen met een bedrivetje die sproaktechnologie ontwikkelde, '''L&H'''. Paul Hauspie wos e boekouder, Lernaut verkocht computers. Z' a'n alletwiè de visie da computers te bedien'n moesten zin met de stemme. In 't begun oalden ze ol het geld da ze noôdig oan op bie de platselike middenstand. Rond '95 zin ze noa de Amerikoanse technologiebeurse [[NASDAQ]] egoan. Mede deur de hoeraverhoalen over nunder technologie, schoten under andièlen lik een rakette omhoge. Ze woarn oek gesteund tot in de ogste kringn: Prins Filip e Flanders Language Valley opend op 11 november 1999, tope me ièste minister [[Verhofstadt]] en koamervoôrzitter [[Herman De Croo]]. [[Jean-Luc Dehaene]] zat in nundern Road van Bestuur. In 2000 es ter een einde gekomen an 't schoôn liedje, toen da de [[Wall Street Journal]] een artikel publiceerde over fraudepraktiken in de [[Zud-Koreaanse]] afdièlinge van L&H, die der in bestonden da ze nunder omzetciffers systematisch oger opgaven dan da ze in 't echt woaren. Vanaf ton e de beurswoarde van 450 miljard frank (op 't oogtepunt) gesmolten lik snieeuw voe de zunne. Op 24 oktober van 2001 zin ze failliet verkloard gewist deur de Ipperse handelsrechtbank.

 

 

=Invloed van L&H op de streke van Ippr=