West-Vlams Heuvelland

't West-Vlams Heuvelland of de West-Vlamse Heuvels is een heuvelgebied in den Westhoek, up de grenze van West-Vloandern en den Département du Nord in Vrankryk, en kan gezien wordn as een uutlôper van de Vlamsch Ardenn. An 't nôordn lôopt den Yzer, die zyn ôorsproun in 't West-Vlamsch heuvelland hèt. De Midden-West-Vlamse Heuvelrugge is een nôordeliken uutlôper van 't Heuvelland. 't Houtland is 't Frans dêel van 't West-Vlams Heuvelland.

Uutzicht up 't West-Vlamsch Heuvelland vanof de Katsberg

d' Hôogste heuvels in 't West-Vlams Heuvelland zyn de Kemmelberg (156 m), Zwortnberg (152 m), Katsberg (150 m), Baneberg (140 m), Vidaigneberg (136 m), Scherpnberg (135 m) en de Rôonberg (129 m). Ze zyn ollemolle getuugnheuvels. Ze speeln ook een belangrike rolle in de West-Vlamsche wielerkoersen.

Belangrike platsn in de streke zyn Yper, Poperienge, Oazebroeke en Belle. De gemêente Euvelland kryg zyn name van 't West-Vlams Heuvelland.

Lyste van heuvels in de streke

• Baneberg
• Boeschepeberg
• Goeberg
• Kasselberg
• Katsberg
• Kemmelberg
• Kokereelberg
• Letteberg
• Monteberg
• Rôonberg
• Scherpnberg
• Sulferberg
• Vidaigneberg
• Watenberg
• Wouwenberg
• Zwortnberg

Interne Koppelienge

• Geologie van West-Vloandern
• Getuugnheuvel