Stijn De Smet: verschil tussen versies

De Smet is begunn foetbolln by SV [[Jabbeke]] (en ethet ossan in [[Snellegem]] ewund, êen van de dêelgemêentn van Jabbeke) en at 'n twove wos, is 'n veruusdverhuusd no Cercle, achter dat 'n in e sezoen 40 goals emakt addehadde.

Zyn êestn match in 'n êestn ploeg van Cercle wos teegn Westerlô in 't sezoen 2003-2004. 't Joar derup mucht 'n 19 kirs meidoen en ne makte 4 goals en in 2005-2006 kust 'n ol 7 kirs scôorn. Deurdat 'n e zwoare neuke krêeg an de gewrichtsbandn van ze knoezel, wos 't noaste sezoen nie 't succesjoar dat iederêen verwacht addehadde. De stage dat 'n muchte doen byn de Blackburn Rovers uut [[Iengeland]], wos doamei naasn ze neuze.

De grôte deurbroake kwam in 't begun van 't sezoen 07-08, woarin dat De Smet tope met [[Tom De Sutter|De Sutter]], [[Oleg Iachtchouk|Iachtchouk]] en [[Honour Gombani|Gombani]] indeliks vele goals makte en ezô Cercle no 'n top van de klasserienge brochte.