Meuzel

Dag Meuzel. Ge keun nie peizen oe dagge joen ier goat amuzeren.

Curieus lik dawe zun, wa betekent meuzel bi gulder:

• meuzel van boeketasse, bezatse ? (onbekend bie oes in Kortrik)
• meuzel lik van de meuzelmeulen (ned: muizelmolen) in Hulste (en sloa mie dôod moa k'wete nie watta wil zeggen)
• meuzel; mondstik van 'n garêel van en peird ?
• anders ?

Voila, inspiroatie voe nog n'artikelke ...--Foroa 14:53, 24 oktober 2006 (UTC)

Lik of dat'n va de Westoek is: optie 1. Meuzel is tas. Boekentas daarentegen noemt-ie naar alle waarschijnlijkheid "carnassiere". --Astro 14:58, 24 oktober 2006 (UTC)

'k Ga je ôok van harte verwelkoomn: veel succes gewinst en de leute, Meuzel. Tbc 17:41, 24 oktober 2006 (UTC)

Meuzel, wein dringend nieuw bloed nôodig, zeker ut u streeke, en 'k voele da je de juste attitude eit, dus van erte welgekoomn --D-rex 18:43, 24 oktober 2006 (UTC)

Zeker weet'n, welkom Meuzel ! --Patrick 00:36, 25 oktober 2006 (UTC)

't Is meuzel lik e zaksche voen etwod in te steekn, ennih. E boeketasse is oltemets kannasjiere (nie gemakkelik voen te schrievn dus), mor even goed boeketasse bi nus (Nederlansche leenwoorn enoeg dus, oek bi nus). 'k Gomme beste doen voen e bitje interissante biedroagn te doen. Mersie ollesins.

Keun je ne kjee mailn?

Meuzel, keun je mie ne kêe e-mailn. Ge keunt da doen deur noo User:D-rex te goan en links op Gebruuker emailn te klikk'n. K'zoe je willn bievoegn bie de kernvls'ers, o je da wilt natuurlik --D-rex 19:27, 7 december 2006 (UTC)

      --Soarah 12 jan 2008 23:06 (UTC)ja kzijnekik ok van brugge en kzien na schole gewist in oelem en kweunekik ok in oigem, tdurp buuten de werld.
            kzienekik wel content da r ne kèrl is da oigem up de koarte wil zettn zie. alle gow ja da artikele viel me meteen
            up ak da zagen, kzagen nog mo twordje oigem, en kwisten al dak goe zatn.
            voila kek kik ook me klapstje gedoans si, nu ziek ok were content si. alee vele groetn uut oigem
                                 Sarah

Twêede VLS gebrukersbieêenkomste

Zeg Meuzel, keun je ne kêe noo Wikipedia:Café#Belangrik: vôorstel voo een twêede VLS gebrukersbieêenkomste gan kikk'n en u gedacht zeggn? Alvast bedankt --D-rex 19:06, 12 januoari 2007 (UTC)

Zoe je ne kêe de vôorstel tabelle keun anvulln, we zin der ton van êeste kêe van of :-). Kei der wa doatums biegezet: een kruuske wil zeggn, ge keunt, een stripke ge keunt nie --D-rex 19:58, 2 februoari 2007 (UTC)

We zoen de 9de moarte tôpekoomn, keun je ne kêe kikk'n of da da echt nie zoe goan voor u? 't Zoe wel gêestig zin da je der bie zoe zin als nieuweling --D-rex 10:54, 22 februoari 2007 (UTC)

Metsenoare?

Zeg je gudder echt metsenoare in udder streke? 'k Lêere ier nog iedern dag bie :-) --D-rex 20:48, 18 januoari 2007 (UTC)

Hoe zou je het anders zeggen ? Ne mets(e)noare, of desnoods metseloare of metsers als ge eens wil ;-) --LimoWreck 22:13, 18 januoari 2007 (UTC)

bie oez es't ne metser, moa va metsenoare oak e nog nôoit geôord :-) --D-rex 07:02, 19 januoari 2007 (UTC)

Setoe d'oede menschn zegn dadde, mor ik zien nog dialect elêerd liek of dat zien moet :). 't Is echt metsenoare iere, mo liek of da'k zegn, de mêeste joenge gasn zegn oendertuschn wel metseloare. Leider, liek of datn Duuts zoe zegn. Je kut dadde moelik teegn oen. Meuzel 9:17, 19 januoari 2007

Ook in Poperienge: mets(e)noare. --Astro 08:19, 19 januoari 2007 (UTC)

wiedre zegg'n wok metsnoare wi! nôoit bie stille gestoan daj entwod anders zou kunn'n zegg'n.--Endriek 19:55, 22 januoari 2007 (UTC)

Veugelpik

Hallo Meuzel, kan je eens kijken op Discuusje:Veugelpik? Ik vind veugelpik eigenlijk verkeerd geschreven en spreek het alleszins zo niet uit... Tbc 19:01, 25 januoari 2007 (UTC)

Ipersche-Poperiengsche grammatica

Hallo Meuzel. Oe je goeste en tid èt, zoe je kee kunn'n kik'n up Wikipedia:Vormleer_Ipers oe je gie joen doar e bitje in erkent? Da artikel zoe moet'n van toepassienge zin up heel 't arrondissement Iper, dus ook Dikkebusch. Oe j'e twodde ziet da ontbrikt, vul moa gerust an. Merci! :-) --Patrick 19:58, 26 februoari 2007 (UTC)

We gon der wel eki vôorn kykn, mo 'k gon der gin doatem up plakn wi :). Meuzel

RobotTbc

Sorry, da wos e misse van hem. Tbc 19:04, 5 moarte 2007 (UTC)

Slaviesch of Sloaviesch ?

Meuzel, oe je twyfelt tusschn Slaviesch en Sloaviesch kies toen de spellienge die 't best mè joen eigen uutsproake overeenkomt.

En 't es ook e goeie gewente om vanonder joen artikels et streektoalpatrôon te voorziene. 'k è 't 'k ik ol gedoan vo joe up Germaansche toaln en Romaansche toaln. --Patrick 18:31, 13 moarte 2007 (UTC)

Ênigte

Meuzel, ik heb jouw êentige vervangen door mijn ênigte in het artikel oftelrymptje. Ik dacht eerst aan een tikfout, maar vermoedde dan dat jouw Iepers kan verschillen van mijn Poperings. Hoe zit dat? --Astro 10:17, 14 moarte 2007 (UTC)

Joen uutsproake

Dag Meuzel, zoe je gy da zien zitt'n vo Wikipedia:Oe sprik je gy die 20 word'n uut - reeks I in te vulln vo 't Ypers? Die lyste gift uus vree interessante informoatie. Let up, in die lyste moe je gin SV gebruuk'n moa wel +/- fonetisch schryvn. Ge moe moa ne kee kyk'n na de word'n die ol ingevuld zyn, en 'k è ook e tabelle by gezet mè uutsproakvoorbeeld'n. Oe d'r etwod es, lat et my moa weet'n. Merci! --Patrick 10:41, 14 moarte 2007 (UTC)

Katte

Meuzel, in 't artikel Katte è je SV-correcties toegepast. 'k Vinne da styf goed, moa in dialectsecties es 't wel de bedoelienge om zoveel meugelyk d'n oorsproenkelyk'n woord'nschat t'oudn, in da geval dus van 't Werviks: ondergrond (ipv oendergroend), meeste (ipv mêeste), groot (ipv grôot) enz.

Nu da je toch begunn'n zyt, stelle 'k voorn da je olles in 't Ypers zet, en toen et {{Plat|Ypers}} patroon upneemt vanboovn. Ge ziet wel hè --Patrick 17:48, 15 moarte 2007 (UTC)

Merci Meuzel --Patrick 21:29, 15 moarte 2007 (UTC)

Bêest'n

Ei Meuzel, 'k zie da je u nogol bezigoud me de bêest'n. Zoe we ne kêe ginne systemoatische anpak overweegn voo olle bêest'n uut de streke an te vulln? We zoen keun begunn me ip het Portoal:Weet'nschap olle bêest'n da we keun bepeizn der bie te zett'n. Wa vind je gie? --D-rex 17:50, 16 moarte 2007 (UTC)

Taxonomieën

Meuzel, 'k è't beschreevn by Ulpe:Wikipedia#Taxonomie upzoek'n van beest'n en plant'n. Veel courage Meuzel. --Patrick 17:05, 19 moarte 2007 (UTC)

ge zit goe bezig de latste doagn

Zie ipmerkienge va User:Tbc ip min pagina --D-rex 21:46, 19 moarte 2007 (UTC)

West-Vlamsche Taxonomie: e voorstel

Meuzel, e voorstel vo taxonomiecategorieën vind je up Taxonomie (biologie). 'k è in da artikel voor alle klassn, ordes, families, geslacht'n... under artikelnoamn (West-Vlamsche én Latynsche) en de categorienoamn upgenoomn. Vo't gemakkelik t'oudn, è'k d'artikelnoamn en de categorienoamn gelykig g'oudn. Misschiens keun me da blad gebreuk'n lik referensje vo uze artikels en nieuwe categorieën te moakn.

Zie ook Discuusje:Taxonomie (biologie). --Patrick 12:03, 21 moarte 2007 (UTC)

Poperienknoars oender makoar

Kykt e kèr ier, bing! :) http://vls.wikipedia.org/wiki/Keikop --Astro 19:09, 17 april 2007 (UTC)

anoniemn

Zeg Meuzel, ei dienen anoniemn vee probleemn gegeevn. Vind je een woarschuwienge voldoende, of moe me mêer doen? --D-rex 7 okt 2007 20:53 (UTC)

Kicken :). 't Is e triestigoard, dus blokkeern, vien 'k ik. Nu, ze groakn 't achter en ende zevve wel moe, wyder moetn ollêne mor erstelln, zodus. Meuzel 8 okt 2007 10:30

artikel Dikkebus

Zoeje gêen {Plat|Dikkebus} boovn joen artikel zettn? Toen goan die robottn miskien niks mêe verandern? 'k Moe zeggn da'k gèren da toaltje leze! En oe zit 't met die site van "ennih", bestoat da nie mêe? Groêtn, Endriek 11 okt 2007 16:55 (UTC)

Kauwe

Hoi Meuzel, wuk es 't probleem mè 't broen van de kauwe? :-) --Patrick 3 nov 2007 10:12 (UTC)

J'è verzekers te lange an de vismarkt in Yper gezeetn :). 'k En oltyd leute o'k joun noame zien. 'k En nog e collega van Yper g'èd ennih, en j'ad olle doagn z'n meuzel mee.--Pastel 3 nov 2007 12:01 (UTC)

Ja, 't go nog etwoar up caps estoan en. Dom, ennih? En ik goan inderdoad oek iedern dag me me meuzeltje no me werk! :) --Meuzel 3 november 2007 21:52 (UTC)

Dubbele stemmienge

Hallo Meuzel. G'èt deelgenoomn an de on/oen/on-stemmienge, moa d'r zyn twee stemmiengn. Zoud et keunn da je de twidde stemmienge over 't oofd gezien èt? Zie je 't soms zittn vo ook te stemmn up de 2e peilienge Meuzel? Thx --Patrick 4 nov 2007 17:18 (UTC)

Yup yup, 'k gon der vanoavnd vôorn kykn. Meuzel 10 nov 2007 9:50 (UTC)

Ouk

Meuzel, 'k vindn oltyd da je vree goeie verbeteringn doet. Moa 'k èn myn twyfels woarom da je joun "oek" verandert in "ouk". Volgns da 'k ik myn erinnern sprik je gynder dat in Yper toch lank uut, dus "oek". (Of zyn 'k mis?). Volgns myn is 't nog 't gemakkelikste van 't in 't SV te zettn: dus "ôok". Iedereen sprikt da ton uut lik dat 'n wilt. 'n Voorstel wi, je doet er nog van wa da je wilt en je zy nie verplicht van noa myn gezoag te luustern:)--Pastel 18 nov 2007 09:04 (UTC)

Ik wulln ossan ortn wi! Mo ouk gift myn lik nog e beter beeld van d'uutsproake dan ôok. D'uutsproake van brôod is egliek hêel aars dan van ouk? Mor a 't ôok moe zyn, toene go 'k ik doa nie moelik over doen, wi. Over bepoalde ofsproakn zy 'k ik wel nie enoug up d'ogte, mea culpa doavôorn. Meuzel 18 november 2007 11:54 (UTC)

Ik vindn joun verbeteringn over 't algemêen ook styf goed, Meuzel. Over die "oek" van de Westoek kunn 'k nie meeklappn...'k Weetn nu nog assan nie oe dat da klinkt...:-)--Zeisterre 18 nov 2007 12:04 (UTC)

I me richtienk zit der twien van over de grenze (e française dus), en zy zegt oek lik da wiender AN hoek in 't Vlams uutspreekn, aje verstoat wa dak bedoeln. Jack the Stripper 18 nov 2007 13:03 (UTC)

Ouk dus! Toune is dadde gelyk. Die oek stamt nog uut e tyd dat er gin êendudige spelliengsvôorschriftn woarn, dus da ku zêre veraard groakn. Ôok, doar e 'k et wel moelik mei, mor a dadde de SV-schryfwyze is, toune go 'k ik da voogn. Meuzel 19 nov 2007 13:05 (UTC)

Ier nog een oeker! Ik goan nog liever dôod dan da'k oek/ouk zou schryvn lik ôok. :) Allez, by maniere van spreekn enni. --Astro 19 nov 2007 13:08 (UTC)

Westouker bedoel je egliek? Of mout dadde nu Westôker zyn? Meuzel 19 nov 2007 13:20 (UTC)

Beste oekers of oukers. O je gynder myn tekst ipnieuw leest goa je zien da 'k ollene moa wilde weetn of da je gynder junder "ook": "oek" (lange klank) of "ouk" (korte klank) uutsprikt. En of dat et nu "oek" of "ouk" is ????? Die SV "ôok" è 'k ollene moa gezeid vo 't gemak. En me goan moetn ippassn dat ol dedie die "wok" zeggn ook nie goan dood volln on ze "ôok" moen schryvn, want da wordt ier gevoarlik.:) Gelukkig zeg 'k ik "ook". Vo myn ist er gin gevoar.--Pastel 19 nov 2007 14:12 (UTC)

Os je gynder junder "ook" inderdoad uutsprikt lik in "AN hoek" zyn 'k mis en moe je gynder inderdoad "ouk" schryvn en gin "oek" of "ôok". Sorry--Pastel 20 nov 2007 11:01 (UTC)!

excuses zyn nowers vôorn nôdig, Pastel. 'k Woarn d'r geweune e bitje mei an 't lachn :) Moa nu serieus: wyder zeggn effectif "oek" lik in "AN hoek". Dus "ouk" komt overêen mi myn uutsproake. --Astro 20 nov 2007 11:07 (UTC)

't Zeste ier wi, ik vin olle feedback nuttig, me moetn egliek kunn discuteern, enni!? Dus, excuses zyn in 't hêle nie nôdig, me meugn ouk nog e bitje lachn nu en toune, enni... Meuzel

Eukaryootn

'Licht' is inderdoad gin West-Vlams (jaja, zelfs in Oostende)('t zoe moen lucht uutgesproken zyn), mo ken 't gezet omdat anders verwarrend is in dien context. Jack the Stripper 24 nov 2007 22:45 (UTC)

Da peisde ke wel, mo juuste i juuste, messchien is er doa wel en aar uplossieng vôorn. 'k Gon der nog ekir over peizn. Meuzel 25 nov 2007 17:05 (UTC)

Cyfers

Meuzel, 'k zien da'j gy nog e kei geirn koppeliengn legt na cyfers. Persôonlik vin 'k dat ni zo geslaagd. Lik in Jean-Pierre Coopmans (rounde 10). En soms zelfs misleidend: lik in êen koers (by André Noyelle): je peist da je nar e koers goat, moat 't is nar e getal... --Astro 31 jan 2008 09:04 (UTC)

A, ezô. 'k An doa nog nie an epeisd, 't wos geweune voun e bitje mêer lienks 't enn. Mo 'k gon der e bitje spoarzoamer mei zyn van nu vors. --Meuzel

Nieuw bofartikel: vos

Hey Meuzel, proficiat! Joun artikel vos es verkoozn tout bofartikel vo moarte 2008.

Zie je 't zittn vo en introotje te schryvn dat up et voorblad goat kommn? Merci! --Patrick 24 feb 2008 20:24 (UTC)

Meuzel, es 't meugelik vo jou vóór 't ende van de moand en introotje te schryvn oub?... --Patrick 26 feb 2008 20:55 (UTC)

Yup, 'k gon dervôorn kykn, 'k zyn juuste were van e weke vormienge in Roemenië, 'k en dus e weke wikipedia nie bekeekn. 'k Zorn da ke 't van 't weekend in order krygn. --Meuzel 29 feb 2008 00:02 (UTC)

Katholiek

Gin problim. Mo 't stoeg 't er wel twêê kêêrn...--Paul Pieniezny 15 mrt 2008 17:44 (UTC)

Walter Arfeuille

Zou je een Ypersche couche wiln geevn an 't artikel da 'k eschreevn en over Walter Arfeuille? En ton meugt e ouk e regionoaln template boovn. Merci! --Astro 12 apr 2008 19:11 (UTC)

'k Zyn ik gin Yperlienk wi :). 'k Gon dervôorn kykn.

ja, bing... 't is ouk nog woa. Moa toch merci vo de correcsjes. --Astro 17 apr 2008 09:44 (UTC)

Hi Meuzel. Me wachtn ier allemolle met oungeduld ip joun reacsje ip de discuusjeYper of Diksmude? ;-)--Zeisterre 21 ogu 2008 14:40 (UTC)

De Ark van Meuzel

Woa bluuf je gy ol die bêestn toch oaln? :) Dat ezeid, 'k lêern toch vele by... dat e tope eigentlik gin muus is bevôorbeeld. --Astro 15 mei 2008 23:21 (UTC)

'k Vien ze te plekke uut :). A ke tyd en goeste enn, gon der nog wel êentige bêestn bykommn. Ja bing, 't moetn nie ossan menschn zyn, enni. --Meuzel 16 meie 2008

Help

Please, could you translate this article onto West Flemish, please? A stub is enough. If you want to translate any article onto Spanish, Catalonian or Galician, tell it to me please. Chabi

Madeliefje

Meuzel, gy die nog veel echte West-Vlamsche woordn kent, wit je gy oe da je madeliefje in 't West-Vlams zegt?--Pastel 22 okt 2008 17:54 (UTC)

Ik zoudn 't zevve nie weetn, wyder en ossan maddelyftje ezeid... Mo 'k ôorn 'n latstn tyd mêer en mêer wôorn da ke nog nôois ôord en wi. Lik pietjekuntje voun winterkoninkje, bevôorbeeld, van myn ouders a ke dadde nog nôois ôord, dus 'k gon 't eki roundvroagn. Meuzel

Ypers of ni?

Meuzel, ier op 't werk zit er etwien van wie da de voader een Yperling is. En zy beweirt da predulln e wôord is da ze gebruukn in 't Ypersche ('t zou willn zeggen: lulln of round 'n pot droain). Ik en da nog nôois ôord. Moa 't is messchiens echt Ypers? --Astro 11 dec 2008 11:42 (UTC)

't Zeg me niet, mo 'k wulln 't wel eki vroagn an myn ouders, 'k gon in 't korte moare loatn. Meuzel 11 dec 2008 15:55 (UTC)

Z'en der olletwêe nog nôois van ôord, mo 't ku zyn dat dadde e wôord is van Yper zevve of en aar dêelgemêente. 't Is olleszins nie van Dikkebus. Meuzel 12 dec 2008 9:39 (UTC)

Merci. Die mens wunt nu ol langer in Mol of da 'n in Yper ewund et. Ik peizn da 'n de twêe deur makoar begunt te sloan. --Astro 12 dec 2008 21:04 (UTC)

'k Gon 't van 't weekend wel ekir upzoekn in Wuk zeg je (da nieuw dialectboek van Yper), messchien da 't doar instoat?

Gaston Rebry

Tof artikel over e coureur da'k eigentlik ni kensnde. --Astro 10 apr 2009 11:45 (UTC)

Merci, mor ik oek nie wi, ollemoale eleezn in 'n Poperienknoare! :) --Meuzel

Noame

Zy je gy joun noame beu, dè Meuzel, da je gy noois mè schryft ounder Meuzel? 'k Viendn da pertang e gêestige noame. :) En 'k hoopn dat er nog vele artikels kommn in 't Dikkebus-Ypers... ;) --Zeisterre 24 jun 2010 11:57 (UTC)

Voila si, 'k zyn ze vaneigns nie moe! --Meuzel

Paddnoverzet

Vrê scôn artikyl vint! --David-bel 4 ogu 2010 07:18 (UTC)

Merci!

Tyd?

Hoi, Meuzel. Zou je gy da nie zien zittn van hier toalmêester te speeln, vo de (nieuwe) artikels eventueel omme te zettn in 't sv? De vôrige toalmêesters loatn nie mè van hunder hôorn en da viendn 'k styf spytig… 'k Weetn wel da je gy nie vele tyd het, moa 'k viendn da je gy da perfect zoudt doen. Joun West-Vlams is styf goed, gy het toalgevoel en je kent gy 't sv deure en deure… En 'k weetn da je gy 't West-Vlams in jen herte droagt, wa da styf belangryk is... 'k Vrêezn da 't hier kapot an 't goan is, moa 'k vertikkn 't van dat hier ip te geevn. Moa ton moen der wel nog e poar zyn die willn meedoen. En o je viendt dat er bepoalde zoakn by de spellienge beter zoun verandern kunn me doar assan over discuteern… ('t Zou trouwns ook wel gemakkelik zyn mostn uze burocrats werekêern). GR--Zeisterre 28 mrt 2011 12:18 (UTC)

En wuk zou 'k ik doavôorn ollemoale moetn doen? 't Is kwestje van der tyd voun te moakn enni! ;) --Meuzel 30 mrt 2011 13:58 (UTC)

Vo 't moment alleszins nie vele, Meuzel, want 't kommn hoast nôois gin nieuwe artikels mè by... Geweune wat da je nu gedoan het mè Maaln en Occitaans is styf goed. ;). 'k Zyn allêne mor e bitje gefrustreerd omda 'k soms 't gevoel krygn da 'k hier hêlegans allêne goan overbluuvn. En 'k vroagn myn ton geweune of mè wa da 'k bezig zyn... Moa mè joun hier te zien is 't over ;-) --Zeisterre 30 mrt 2011 15:12 (UTC)

Alli, 't is ol goed, ke gon myn der wel e bitje mêer mei bezighoudn van nu vors. En oek were e bitje mêer schryvn, 't is ollêne vele werk aj 't e bitje goed wult doen, enni. Mo soit, 't komt der wel van! En 'k zyn content da ke dervôorn kunn zorgn daj were goeste krygt, wi! :) --Meuzel 30 mrt 2011 18:06 (UTC)

't Is dat da me moen hen :-) --Zeisterre 30 mrt 2011 19:11 (UTC)

Bofartikel

Dag Meuzel. Proficiat me joun bofartikel van ogustus 2012. Hopelik gift da joun e duwtje vo were e poar artikels te schryvn in de schoone toale van Dikkebus ;). Groetjes van --Zeisterre (overleg) 31 ogu 2012 09:19 (UTC)

Sysop

Dag, Meuzel. 'k Weetn nie of da je gy hier nog langskomt, moa 'k kunn 't algelyk moa probeern, ee. ;-). 'k Vroagn myn of, of da je gy da nie zou zien zittn vor hier sysop te zyn. Myn steun zou je zeker krygn. Groetjes... --Zeisterre (overleg) 3 jun 2013 09:57 (UTC)