Sleedôorn: verschil tussen versies

't Zyn boomn die me 5 meiter nie ol te hoge kommn en ze groein surtout in houtkantn en gaskantn[[ges|geskantn]] of an 'n bôord van busschn. Aar sôortn die e bitje 't zeste doen, zyn [[meidôorn|meidôorn]], [[hoazeloare|hoazeloars]] en broamn (ol zyn dat gin boomn, mo struukn). Ze bloein in 't begun van 'n uutkommn, nog vôorn dan der were bloarn an 'n boomn ekommn zyn, en zyn toune bevrucht deur olle sôortn van fernient. An ze uutebloeid zyn, kommn der klêne pruumtjes an, dedie zyn rype teegn oktober of november en kunn mor upeetn zyn achter da 't evrozzn het, deur 'n vorst goan de tannienn kapot en smoakn ze nie mi zerp.

De verspreidienge gebeurt deur dan veugels en aar bêestn de prumetje meipakkn en toune etwoar aars loatn volln, mor oek deur dan der nieuwe schootn uut de wortels groein, die dervôorn zorgn dan de struukn stief dikke kunn stoan. 't Is oek doamei da 't e goein boom is voun hoagn van te moakn.