Grevelingn: verschil tussen versies

In de zeventiende êeuwe bleevn de conflictn mekoar ipvolgn. In 1644 belegerde Gaston van Orléans, de broere van keunink [[Louis XIII]], Grevelingn en veroverde de stad. Moar in 1652 weer by de Spoansche Nederlandn gevoegd deur de landvoogd [[Leopold Willem van Ôostnryk]]. Grevelingn lee vree deur ol de gevechtn en teegn 1654 wos drie kart van't stad verwoest. In 1658 werd ze ingenoomn deur maréchal de La Ferté en [[Vauban]] en were by Vrankryk gevoegd.

[[Image:Siege of Gravelines (Grevelingen) in 1644 (Atlas van Loon).jpg|thumb|right|Koarte van't beleg van Grevelingn van 1644 uut de Atlas van Loon]]

 

===Fransche stad===

Achter 't [[Verdrag van de Pyreneeën]] van 1659 bleef Grevelingn officiël by Vrankryk en verloor et zyn functie van grensstad. 'T bleef wel e garnizoenstad tot an de 19de êeuwe. 'T stad wied ôok vodder verstekt deur Vauban in de rest van de zeventiende êeuwe. Doarby bleef Grevelingn e belangryk centrum vo vissery, surtout deur de Yslandvisvoart ontwikkelden 't stad en zyn bygeleegn dorptjes zich vodder. In 1884 werd Groot-Filipsfort en onafankelyke gemêente. In de negentiende êeuwe es Grevelingn ôok bikkans hillegans [[frans|franstoalig]] gekommen. Vandoage i Grevelingn e gans ander karakter en es't e goe ontwikkelde plekke deur de hoavnindustrie en de kerncentrale die ter gebouwd es in 1974.

 

* De Duunkerksepôorte , ôok wel ''La porte aux boules'' enoemd, uut de neegntiende êeuwe.

* 't Staduus, in classicistische styl ebouwd ounder 't [[Restoroasje-bewind]] (1815-1830).

 

<gallery>

</gallery>

 

{{GemêentnDKK}}