Naktzoadign: verschil tussen versies

In vroegre klassifikoasjesystêemn wierdn de naktzoadign bekeekn lik e nateurlikke groep. Dr zoe'n nu bewyzn zyn da de leevnde naktzoadign gin "kloade" zyn <ref name="palmer">{{en}} [http://www.amjbot.org/cgi/content/full/91/10/1437 Jeffrey D. Palmer, Douglas E. Soltis and Mark W. Chase 2004 : The plant tree of life: an overview and some points of view, ''American Journal of Botany'', 91/10, pp. 1437–1445 ]</ref><ref name="Stevens">{{en}}[http://www.mobot.org/mobot/research/APweb/orders/Cycadales.html#Seedplants Stevens, P. F. 2001 : Angiosperm Phylogeny Website - Seed Plant Evolution ]</ref>. De verstêende oovrebluufsls van de naktzoadign bevattn veele verschillnde [[Taxonomie (biologie)|taxa]] die nie zittn in de vier moderne groepn, woaroendre zoaddroagnde boomn die ip voarns trekn (de zogenoamde zoadvoarns of ''Pteridospermatophyta'') <ref> {{en}} [http://www.bioone.org/perlserv/?request=get-abstract&doi=10.3159%2F1095-5674(2006)133%5B119%3APATBOS%5D2.0.CO%3B2&ct=1 Hilton, Jason, and Richard M. Bateman 2006 : Pteridosperms are the backbone of seed-plant phylogeny, ''Journal of the Torrey Botanical Society'', 133: 119-168]</ref>. O verstêende naktzoadign lik de ''Bennettitales'', ''Caytonia'' en de ''Glossopteridales'' in beschowienge genoomn wordn, ist kloar da de bedektzoadign verweevn zittn in e grotre nakzoadign-kloade, oewêl da 't nie duudlik is wa datr undre dichtste verwantn zyn. Vo de mêest recente klassifikoasje van de bestoande naktzoadign zie : Christenhusz ''et al.'' (2011)<ref> {{en}} [http://www.mapress.com/phytotaxa/content/2011/f/pt00019p070.pdf Christenhusz, M.J.M., J.L. Reveal, A. Farjon, M.F. Gardner, R.R. Mill, and M.W. Chase 2011 : A new classification and linear sequence of extant gymnosperms, ''Phytotaxa'', 19:55-70]</ref>.

't Wordt algemêen anveird da de naktzoadign oentstoenn in 't loate Karbôon<ref>Campbell and Reece; Biology, Eighth edition</ref>. Da zoe 't gevôg zyn van e hêele dupliekoasje-gebeurtenisse oengevêer 319 miljoen joarn geleen <ref name="Jiao2011"> {{en}} Jiao Y, Wickett NJ, Ayyampalayam S, Chanderbali AS, Landherr L, Ralph PE, Tomsho LP, Hu Y, Liang H, Soltis PS, Soltis DE, Clifton SW, Schlarbaum SE, Schuster SC, Ma H, Leebens-Mack J, Depamphilis CW 2011 : Ancestral polyploidy in seed plants and angiosperms, ''Nature''</ref>. Vroege kenmerkn van zoadplantn woarn duudlik in verstêende primitieve naktzoadign van 't loate Devôon roend 380 miljoen joarn geleen. 't Wordt veroendersteld da binst 't Middn-Mesozoïcum, de bestuuvienge van sommigte uutgestorvn groepn naktzoadign zoe gebeurd zyn deur nu uutgestorvn sôortn schorpioenvliegn (''Mecoptera'') die e gespeesjaliezeerde ''proboscis'' (sôorte slurf) adn vor undre te voedn ip stuufmeeldruppls. De schorpienvliegn adn bestuuviensreloasjes mê de naktzoadign, verzeekers lange vo datr glykoardige en oenafanklikke oentwikkliengn platse voenn tusschn [[insektn]] die undre mê nektar voeddn en de bedektzoadign <ref>{{en}} Ollerton J. & Coulthard E. 2009 : Evolution of Animal Pollination, ''Science'', 326(5954), p. 808–809 </ref><ref name="Ren">{{en}} Ren D.; Labandeira CC.; Santiago-Blay JA.; Rasnitsyn A.; Shih CK.; Bashkuev A.; Logan MA.; Hotton CL.; Dilcher D. 2009 : A Probable Pollination Mode Before Angiosperms: Eurasian, Long-Proboscid Scorpionflies, ''Science'', 326(5954), p. 840–847</ref>. De koniefeern zyn verre de mêest uutgebreide bestoande groep van naktzoadign, mê zesse to acht familjes, mêt e totoal van 65-70 geslachtn en 600-630 sôortn (696 anveirde noamn). Koniefeern zyn oetachtige plantn en de mêeste zyn altydgroene <ref>{{en}} Campbell, Reece 2005 : Phylum Coniferophyta, ''Biology'', p. 595</ref>. De bloarn van veele koniefeern zyn lank, dinne en noaldachtig, andre sôortn, woaroendre de mêeste ''Cupressaceae'' en sommigte ''Podocarpaceae'', ên platte, drieoekige schubachtige bloarn. ''Agathis'' by de ''Araucariaceae'' en ''Nageia'' by de ''Podocarpaceae'' ên brêe, platte bandvormige bloarn.

Den êeste gepubliceerde genoom vo de nakzoadign was de genoom van ''Picea abies'' in 2013 <ref> {{en}} [http://www.nature.com/nature/journal/v497/n7451/full/nature12211.html The Norway spruce genome sequence and conifer genome evolution] Nature 497, 579–584 doi:10.1038/nature12211</ref>.

<references>