Watterloo: verschil tussen versies
Verwijderde inhoud Toegevoegde inhoud
nieuw blad: {{Infobox Fransche gemêente |naam = Watterloo |officieel = Wattrelos |kaart =250px |kaartbijschrift = Watterloo en oumligg'nde ge... |
Geen bewerkingssamenvatting |
||
Regel 26:
'''Watterloo''' ([[Frans]]: ''Wattrelos'', [[Nederlands]]: ''Waterlo'') es 'n stad en gemêente in [[Vrankryk]] in't [[Noorderdepartement]]. 't Ligt in [[Frans-Vloandern]], mêer bepoald in [[Rysels-Vloandern]]. 't Grenst an [[Moeskroen]] en [[Stêenpit]] (over de Schreve, in de provinsje [[Henegouwn]]) en an de Fransche gemêentn [[Leers]], [[Roboais]] en [[Terkoeje]]. O de zuudkantn van Watterloo lôopt et [[Spierekanoal]], da ze ier in Vrankryk 't ''Canal de Roubaix'' noemn.
De noame van de plekke komt uut et Vlams en wierd tout in d'elfde êeuwe geschreevn lyk ''Waterlos'' of ''Waterlooz''. D'uudige officiëlle noame es e klankkundige achterdoenienge in't Frans van de Vlamse noame.
[[Ofbeeldienge:Eglise_Saint-Maclou_de_Wattrelos.JPG|thumb|left|De Sent-Macloukerke in't center van Watterloo]]
== Beziensweirdigeedn ==
In Watterloo stoan der teffrente kerkn in verschilligte wykn:
* De Sent-Macloukerke stoat in't center en es ingeweyd in april 1882. De kerke die derveurn ier stound gienk were tout in de vuuftiende êeuwe.
* De Sint-Theresia-van't-kindeke-Jezuskerke ip de wyk ''Laboureur'' es ingeweyd in 1929. Z'es gebouwd in stêen en bakstêen en versierd mè moozaïekn, en combineert ezo traditionêele architecteur mè [[art deco]]-versieriengn.
* De Sent-Vincentius-a-Paulokerke es e moderne kerke ip de wyk ''Le Crétinier'', gebouwd in 1994. De êeste kerke wierd iere in 1897 gebouwd, mo kreeg ton gêen torre me da ze 't gewichte dervan nie gienk kunn'n droagn. Deur d'n abominoabeln toestand van de kerke en ze dedie ofgebrookn in 1992.
* De Notre-Dame-du-Bon-Conseilkerke ip de wyk ''Beaulieu'', gebouwd in 1910.
* De Christus-Keunienkkerke ip de wyk ''Sapin Vert'', ingeweyd in 1936.
* De Sent-Gérardkerke ip de wyk ''Touquet-Saint-Gérard'', in't nôord'n van de gemêente tusschn Terkoeje en de wyk Mont-à-Leux ip de schreve by Moeskroen.
{{Commonscat|Wattrelos|Watterloo}}
| |||
