Garonne: verschil tussen versies
Verwijderde inhoud Toegevoegde inhoud
Geen bewerkingssamenvatting |
Geen bewerkingssamenvatting |
||
Regel 5:
De brounne van de Garonne ligt in de [[Spanje|Spoansche]] [[Pyreneeën]], ol kunn'n ze nie mè zekereyd zegg'n wukke brounne nu precis dedie van de Garonne es. By Bagnères-de-Luchon strôomt ze Vrankryk binn'n en lôopt olangsn Saint-Gaudens nôordwoarts tout in [[Toulouse]]. Doa komt ze tôope mè 't ''Canal du Midi'' en buugt of noar 't nôordwestn. Via 't ''Canal du Midi'' kun je ôostwoarts richtienge de [[Middellandsche Zêe]] voarn. De Garonne es ier nog nie te bevoarn vo grôote bôotn en ezo wordt de commerciëlle scheepvoart van Toulouse tout Castets-en-Dorthe deur 't Lateroal kanoal van de Garonne gezound'n (e kanoal da parallel lôopt mè de riviere). De Garonne passeert vodder langsn de steed'n Castelsarrasin en Agen.
Vanof de plekke Langon es de Garonne brêeder en ol wa beter te bevoarn vo grôote rivierbôotn en vanof [[Bordeaux]], woa der e grôote hoavn es, es de Garonne ôok bevoarboar vo zêescheepn. Ierachter komt ze tôope mè de [[Dordogne (riviere)|Dordogne]] by de plekke Ambès (juust o de nôordkantn van Bordeaux) en vormt ezo 't estuoarium van de Gironde. Uutendelyk moundt dedie uut in d'[[Atlantische Oceoane]] (mêer bepoald de [[Golf van Biskaje]]).
De belangrykste zyrivier'n van de Garonne zyn d'Ariège (170 km), de Gimone (136 km), de Save (148 km), de Gers (175 km), de [[Tarn]] (380 km) en de [[Lot (riviere)|Lot]] (481 km).
| |||