Irénée Duriez: verschil tussen versies

'''Irénée Duriez''' ([[Toeroet|Tourout]], [[14 meie]] [[1950]]) is een [[West-Vloandern|West-Vlamsche]] beeldouwer.

Irénée Duriez boetseert en têeknt sedert joarn sierlikke vrouwelikke figeuren. Je modelleert klassieke, realistische beeldn in was die ton in brons gegootn wordn (verloren-was-techniek). Z’n torso’s zyn krachtig en vul dynamiek, moar ook gevoelig en suggestief. In ’t begun et ‘n gewerkt met out, terracotta en stêen, moar uutendelik kwamt ’n by brons terechte.

 

J’ et ook nog sculpturoale bijous ontworpn in brons en zilver.

==Carrière==

De antrekkingskracht van beeldn en beeldouwwerk begost al van ost ’n nog styf joenk was. Ost’n dertien joar oud was stond ’n al te kerven in een stik out vo d’r een beeld uut t’oalen. Rond z’n 14-15 joar begost ’n te boetseren in klyte en een joar loater werkt ‘n me witstêen en arduun. J' is toet an z’n vêertiene noa schole gewist en je most ton temmerman wordn van z’n voader, by wien dat ’n toet an z’n 34 joar gewerkt et.