Spencer (trappist)
Spencer es e trappistnbier uut Amerika. 't Wierd sedert oktober 2013 gebrouwn in de Spencer Brewery van de Saint Joseph's Abbey in de plekke Spencer in Massachusetts. D'Internationoale Trappistnverêenigienge makte ip 10 december 2013 bekend da ulder bier 't logo "Authentic Trappist Product" mochte droagn. Ezo es Spencer d'n êestn (en veurlôopig êenigstn) trappist van buutn Europa.
Vôorn da ze bier brouwdigdn makt'n en verkochtn de poaters ol confiteure en marmeloade, mor ze zoagn van and're trappistnabdey'n in Europa da ze mè and're produktn mêer zekereyd ad'n vor ulder inkomm'n. Z'en ton beslootn van bier te brouwn en zyn ton êest nor Europa gewist, ounder and're noar d'abdey'n van Westvletern en Westmalle, vo te ziene oe da spel in ze werk goat. Abt Damian Carr en de poaters van Spencer ein ton ulder eign brouwerye gebouwd en uutendelyk ingezeeg'nd ip 20 oktober 2013. Ulder êeste bier es g'inspireerd ip 't bier dat de poaters oliere drienkn byst 't eetn, mor wel mè en ôoger alcoolpercentoage. De poaters van Spencer gebruukn ollene mor Amerikoanschn hommel uut Yakima Valley in de stoate Washington en in september 2013 zyn ze ôok begoest mè ulder eign gerst te verbouwn.
Sôortn bewerkn
De poaters van Spencer èin ounderand ol verschilligte sôortn bier, ol kun je ze oliere dikkels mor vrêe moeilyk krygn.
- Spencer Trappist Ale, ulder êeste bier, nen blound'n van 6,5% alcool
- Spencer Trappist Holiday Ale, e rôodbruun bier van 9% alcool
- Spencer Trappist Imperial Stout, e goe dounkerbruun bier van 8,7% alcool
- Spencer Trappist India Pale Ale, e goudblound bier van 7,2% alcool
- Spencer Trappist Monks Reserve Ale, nen zwoarn dounkern quadruppel van 10,2% alcool
Externe koppeliengn bewerkn
| {{{ofb_links}}} | De tien trappistnbiern | {{{ofb_rechts}}} | {{{ofb_groot}}} |
|---|---|---|---|
|
Chimay – Engelszell – La Trappe – Orval – Rochefort – Tre Fontane – Tynt Meadow – Westmalle – Westvleteren – Zundert |