Steirtmêze

Steirtmêze
E steirtmêze
Taxonomische indêlienge
Ryk: Animalia (Bêest'n) Stamme: Chordata (Chordabêest'n) Klasse: Aves (Veugels) Orde: Passeriformes (Zangveugels) Familie: Aegithalidae (Steirtmêezn) Geslacht: Aegithalos
Sôorte
Aegithalos caudatus Linnaeus, 1758

Steirtmêezn (Aegithalos caudatus) zyn klêne veugeltjes uut de familie van de steirtmêezn (verwant an d'echte mêezn, mo ze zyn der gin sôorte van).

Aegithalos caudatus

Uutzicht

Steirtmêezn komn nie langer of 15 cantmeiter, nundern steirt derbie ereeknd (ndien is langer of nunder lyf). Z'en dus e kort en round lyvetje, dat vanboovn zwort en (doenker)bruun is, upsyts roazachtig en vanounder vuul wit of lichtbruun. Nundern kop ku hêlegans wit zyn, mo 't kun oek zworte of brune striepn up stoan.

Van steirtmêezn is 'n bek kort en zwort en nundern steirt is oek zwort met witte bôretjes.

Verspreidienge en leefgebied

Steirtmêezn komn vôorn in bikan hêel Europa, mor oek in Azië (toet in Japan).

Ze komn 't mêeste vôorn in busschn, mor oek wel in ovetjes of parksjes.

Leevnswyze

Teetn

Z'eetn olle sôortn fernient (danze zoekn in boomn en struukn, ze komn verre nôois up de ground), mor in de wienter duvn z'oek wel notjes eetn, juste lyk aar mêezn (koolmêezn en pimpelmêezn).

Vôortplantienge

Nunder nest is round en toe en ze weevn ze me takkelieng, woa danze toene nog kobbenettn round doen. 't Wuvetje legt doa tusschn de zes en de twoof eiers in.

Doenieng

Buutn 't broedsezoen leevn steirtmêezn geregeld in groep.

Ofbeeldiengn die ier by passn ku je vien in de categorie Aegithalos caudatus van Wikimedia Commons.