Uuskobbe

Uuskobbe
En uuskobbe
Taxonomische indêlienge
Ryk: Animalia (Bêestn) Stamme: Arthropoda (Geleedpôtigen) Klasse: Arachnida (Kobbeachtigen) Orde: Araneae (Kobbn) Familie: Agelenidae (Trechterkobbn) Geslacht: Tegenaria
Sorte
Tegenaria domestica Clerck, 1757

D'uuskobbe (Tegenaria domestica) es de meest voorkommnde kobbesorte 's binnenkoamers.

De onderkant met een lange spinnen wratten

Uterlik

Uuskobbn èn e dounker achterlyf en e zwort middndeel. De spanbridte van de pootn kut tout 60 mm goan.

Leefomgevienge

D'uuskobbe vind je 't hele joar deure zowel binn in d'uuzn lik buutn in 'n of, in schuurn en stolliengn. 't Zyn solitaire beestjes die surtout 's nachts styf actief zyn. Ze moakn olle nachte e nieuwe kobbenette.

De kobbn keunn bytn moar datte en doe nie veel zeer. Ze zyn oungevoarlik en helegansn nie agressief, 't en woare da je ze in 't nauwe dryft, toun goan ze attaqueern. Toch doen veel mienschn dien e kobbe teegn 't lyf loopn, ze zere dood. Binst da 't eigentlik nuttige beestjes zyn, want z'eetn insektn up.

Uuskobbn moakn orizountoale kobbenettn die an 't uutende d'r uutzien lik nen trechter. 't Es doarin da de kobbe meestol wunt. Oe ze trilliengn gewoarig es, komt ze uut eurne weunzak, te lope, vo de prooie te pakkn. Ollene oe ze styf veel ounger èt, goat de kobbe eur nette verloatn vo zelve en prooie te goan zoekn.

Voortplantienge

Uuskobbn poarn surtout in 'n zomer. Achter dan ze gepoard èn, volt et wuvetje et mannetje an. Ze legt zy toun en poar ounderd eitjes in e specioale einette da ze zy makt nie te verre van eur kobbenette. Wuvetjeskobbn keunn tout vuuf joar oud kommn.