Vierspuugn

Vierspuugn is de kunste vo uut je mound vier te loaten kommn. ’t Best gekend is den techniek wo da de vierspuger (of vierspuugster, wan wuuvn doen ‘t oak) een vloeistoffe uut ze mound spuugt in de richtinge van een vlamme wodeure dat er een styf groate vlamme ountstoat.

Êentige gastn die an't vierspuugn zyn.

Materiol

De vloeistoffe die mèèstol gebruukt wordt is lampolie ip basis van parrafine of bio-olie gemakt ip basis van koolzoadolie. Minder gekend is dan ze dat oak kunn me chocopoeier en zelfs me blomme.

De fakkl is mèèstol een metolle stave med u wieke round gedroaid van oenbrandboar materiol gedrenkt in lampolie.

Gevoarlik

Vierspuugn is een styf gevoarlikke bezigoedinge: je kut er levend van verbrandn, je kut d’olie inossemen wo da je een klaploenge van ku krygen. Je magt zekers nie doen me vloeistoffn die gemaklik ountbrandn lik nafte, spiritus of alkool.

Ofbeeldiengn die ier by passn ku je vien in de categorie Fire breathing van Wikimedia Commons.