Vrouwe

E vrouwe of een wuuf es en mens met twêe of mêer X-chromosoomn en gin Y-chromosoomn (in teegnstellinge tot ne vint).

Symbool van e vrouwe

Gebruuk van 't woord "wuuf"

In 't West-Vlams es et word wuuf nog vele gebruukt, lik in de middelêeuwn. In 't Iengels gebruukn ze vandoage ôok nog een gelik word: 'wife'. In 't Ollans eit wuuf intusschn ne slichtn byklank, lik ôok ip veel plekkn in West-Vloandern. Sommigste minsn kunn der van g'affrounteerd zyn. Pertank, 'wuvetje' zeggn teegn jon wuuf kan ze geirn ein.

Kenmerkn van e vrouwe

Een jounge vrouwe

De elementairste definitie van een wuuf is da ze et dêèl is van de menselike sôorte met twèè X-chromosôomn. Moa lik ip olles zyn der doar ôok uutzounderingen ip: der zyn wuven me 3 X-chromosôom'n, en der zyn der zelfs me een Y-chromosôom (lik d'actrice Jamie Lee Curtis die 2 X-en eet en een Y, mo da je toch moeilik een vint ku noemn).

Primaire geslachtskenmerkn

O je kykt no de geslachtskenmerkn ku je de volgende specifieke geslachtsorgoann zien:

• Vagina. In den ingang zit et maagdevlies (hymen) en ip 't ende de baarmoedermound.
• Baarmoeder
• Eierstokkn (ovarium) en eileiders (oviducti)
• Schaamlippen en venuseuvel
• Clitoris (under ne kitteloare)

Secundaire geslachtskenmerkn

Secundaire geslachtskenmerkn typisch voor e wuuf zyn:

• drieoekige pubisbeoaringe
• borstoentwikkelinge
• een brèè bekken
• borstn, under melkklieren

O je nog ip andre kenmerken zoe vôortgoan wordt et ol styf moeilik omdan de uutzounderingen ol even vele vôorenkommen ols de regel zelve en omdan ze oak dikkels sociaal-culturèl bepoald zyn:

• wuuven smienkn under, mo sommigste vinten doen dat ook
• wuuven dragen rokkn, mor in Schotland droagen de vinten dat ook (ol noemn ze dat doar nen kilt)
• wuuven en lank oar, mo der zynder even vele me kort oar (volgens sommigste studies voroal on ze getrouwd zyn en kienders gekregn en) en der zyn ook vintn me lank oar

Ofbeeldiengn die ier by passn ku je vien in de categorie females van Wikimedia Commons.