Wassenaar

Holland Wassenaar
Coat of arms of Wassenaar.svg Wassenaar flag.svg
Autumn Beach (29881666014).jpg
Strange in Wassenaar
Geografie
Provinsje Zuyd-Holland
Coördinoatn 52°8′NB 4°24′OL
Ippervlak 62,40 km²
Inweuners
Inweuners

Bevolkiengsdichtheid

26.639 2021
521 inw./km²
Mêer info
Burgemêester Leendert de Lange (VVD)
Postcode 2240-2245
Website www.wassenaar.nl
LocatieWassenaar.png
Liggynge in de provinsje Zuyd-Holland

Wassenaar is e plekke en gemeente in d' Hollandsche provinsje Zuyd-Holland. 't Is oenderdeel van de Metropoolregio Rotterdam-Den Haag.

Wassenaar bestoat uyt e dorpskern met derroend e busryke omgevynge mè villa's en landhuyzn. Vele dervan zyn buytnverbluyvn vo ryke stedelyngn.

Buytn 't gelyknoamig dorp lign in de gemeente ook nog 't gehucht Maaldrift, de buurtschapn Ryksdorp en Den Deyl en de wykn Nieuw Wassenaar, Oud Wassenaar, De Kieviet en Kerkehout. Wassenaar grenst an 't dorp Voorschootn.

In 't center van Wassenaar stoat d' oude dorpskerke die deels uyt de 12ste eeuwe dateert, en deels in de 16ste eeuwe wierd ipgebouwd achter verniëlyngn in 't begun van de Tachtigjoarign Oorloge. Neffest e kleen deel oede dorpshuyzn stoat er ook e meuln, de Windlust, uyt d' achttienste eeuwe. In de loop van de 19ste eeuwe groeide de bevolkynge van Wassenaar zodoanig dat er e nieuwe kerke nodig was. De Sint-Wilibrorduskerke wierd gebouwd tusschn 1903 en 1905 noa neogotisch oentwerp.

E deel van Wassenaar is e beschermd dorpsgezicht. Der zyn meer of 300 ryksmonumentn, 115 gemeentelyke monumentn en ook enigte oorlogsmonumentn.