Westkapelle (Zêeland)

Westkapelle
Westkapelle in de gemêente Veere
Provinsje	Zêeland
Gemêente	Veere
Coördinoatn	51°31′NB 3°27′OL
Ippervlak	km²
Inweuners	2630 (2023)
Liggienge van de gemêente Veere in Zêeland

Westkapelle (Zêeuws: Weskappel, Westkappels: Wasschappel) es 'n stee in de gemêente Veere in de provinsje Zêeland ip't westelyk punt van't vroeger eyland Walchern. 't Stadje es ezo bikkans hillegans oumgeevn deur de Nôordzêe. By Westkapelle ligt wa mêer landinnewoarts 't gehucht Poppekerke.

Geschiedenisse

Zicht ip de kreke van ip de viertorre van Westkerke

Westkapelle het in 1223 stadsrechtn gekreegn en toet in 1996 wos't e zelfstandige gemêente.

Binst 'n Twidde Weireldoorloge, den derdn oktober 1944 is de zêedyk an de zuudkant deur Britsche bommewerpers verwoest, met de bedoelienge van Walchern ounder woater te zettn vo 't eiland gemakkeliker te kunn bevryen van den Duutschn bezetter. By da bombardement woarn der 180 inweuners van 't stadje dôod en der bleef verre niet mir over van de plekke zelve deur de bommn en 't zêewoater da binnstroomde.

Den 12stn oktober 1945, mêer of e joar loater, was 't gat were toe, moa de kreke is 'n overbluufsel van 't bombardement.

Ip den dyk stoat er e Sherman-tank ter herinnerienge an den oorloge en de bevrydienge. Achter de viertorre liggn de groavn van de slachtoffers in 'n halve cirkel.

Beziensweirdigheden

• Grôte viertorre ('Westkapelle Hoge', 'Hoog Lucht' of 'Zuderhoofd'), direct te zien by 't binnkommn van de stad. De torre is 'n overbluufsel van e gotische kerke, die deur brand verloorn gegoan is in d'18ste êeuwe.
• Twidde viertorre ('Westkapelle Lêge', 'yzern torretje' of 'Noorderhoofd'), ip de zêedyk.
• Meuln 'De Noorman', mêer of 23 meter hoge uut 1852, den ênigste meuln van Westkapelle die den oorloge overleefd het. In de meuln is 't Zêeuws Meulnmuseum gevestigd.
• De zêedyk van basaltstêen, 5 km lank in de duunn, die 't eiland Walchern beschermt teegn de zêe.
• Polderhuus Westkapelle, Dyk- en Oorlogsmuseum.

• 
  De grôte viertorre
• 
  De twidde viertorre of 'yzern torretje'
• 
  't Strand
• 
  't Zogezeide 'Autostrand', tusschen Westkapelle en Domburg, wor da d'ottoos bykans ip 't strand kunn'n parkeren
• 
  Monument ter herinnerienge an de Twidde Weireldoorloge en de bevrydienge
• 
  Meulenstêen van de Prins Hendrikmeuln, die ip de zêedyk stoend en binst 't Iengels bombardement van 3 oktober 1944 vernield wierd

Externe koppeliengn

• Google maps
• Polderhuus Westkapelle, Dyk- en Oorlogsmuseum
• Plaatsengids
• AlleCijfers

Ofbeeldiengn die ier by passn ku je vien in de categorie Westkapelle (Walcheren) van Wikimedia Commons.