Widdebroek
Widdebroek (Frans: Widdebrouck) es 'n gehucht in de Fransche gemêente Ariën (Aire-sur-la-Lys) in't departement Nauw van Kales. 't Ligt apeupri drie kilomèters o de nôordôostkantn van 't center van Ariën. 't Ligt tusschn Ariën zelve en de schreeve mè 't Noorderdepartement en de gemêente Boezegem. Widdebroek bestoat uut de plekkn Blanc Widdebrouck in't zuud'n en Noir Widdebrouck in't nôordn. Olangsn de zuudkant van't gehucht strôomt de Leie.
Geschiedenisse bewerkn
D'oudste vermeldienge van de plekke es van 1100, geschreevn lyk Widebroc. Kerkelyk wos't ofankelyk van de prochie van Saint-Martin, mo polletiek-administratief viel et nie ounder Ariën, moar ounder de kasselry van Kassel in't Groafschap Vloandern. Bist da ze in Ariën zelve Frans ofte Picardisch koutigden, klapt'n ze in Widdebroek in dien tyd Vlams.
De plekke lag in de zeevntiende êeuwe in e gebied woa da serieus gevochtn wierd tusschn de Fransche keunienk en de Spoansche Nederlandn. Achter de Fransche belegerienge van Ariën in 1641 liet Filips IV van Spanje by Widdebroek in 1642 't fort Saint-François bouwn.
Ip't ende van't ancien régime wierd Widdebroek uutendelyk oundergebrocht by de gemêente Ariën.
Beziensweirdigeedn bewerkn
- De restn van't vroegere Fort Saint-François, loater Fort Gassion enoemd. 't Fort wierd in de neegntiende êeuwe ofgebrookn. De ruïn'n wierdn in 1990 ingeschreevn lyk historisch monument.