Wolfenstein: Enemy Territory

Wolfenstein: Enemy Territory is e groatis online schietspel. 't Bestoat al sinds 2003 en 't goat over de Twidde Weireldoorloge. In 't spel speeldje altyd Allies (Amerikoanders) teegn Axis (Duutsers). 't Bestoat al van meie 2003 en et weir nog olsan gespeeld.

Overzicht

In Enemy Territory (E.T.) keu je kiezn ip et panêel (Limbo menu genoemd, te bereikn deur ip L te duwn) uut vuuf verschillende klassen:

• Soldier : Soldoat, kan zwoare woapens (heavy weapons) gebruukn. Uut te kiezn woapens:

by d'Amerikoanders: Vlammnwerper, Bazooka, Thompson, Machinegun, Winchester, Mortar

by de Duutsers: Vlammnwerper, Panzerfaust, MP-40, Machinegewehr, Winchester, Mortier

• Medic : Verpleegre, kan teamgenootn êeste hulp geevn en were tot leven wekkn. Ze kunn allêne Thompson of MP-40's gebruukn.
• Engineer : Ingenieur, kan dingn bouwn en vernietign en landmynn zettn en ontmynn. Woapens: Thompson of MP-40 en ze kunn ook nog kiezn uut M1 Garand of K 43.
• Field Ops : Veld Operoaties, kan munitie rounddêeln, bombardementn anvroagn, luchtaanval iproepn. Woapens: Thompson of MP-40.
• Covert Ops : Spionne, kan vyandige deurn openen, sluupschuttre speeln, undercover goan as vyand. Woapens: FG-42, Sten, Springfield.

Ip elke mappe moet 't anvallend team bepoalde handelingn uutgevoerd hèin gelik e brugge ipbloazn, e stik goud steeln,... De twêe teams die teegn elkoar vechtn zyn Allies (d' Amerikoanders) en Axis (de Duutsers).

Ge krygt puntn a je dingn doet die goe zyn vo je team gelik: teamleedn geneezn, bewoapnn, vyandn dôodn.

Iederêen kan ne Thompson (by d' Amerikoann) of ne MP-40 (by de Duutsers) gebruukn. Ze krygn ôok ollemolle een antal Grenades of Stielhandgranate (= granoate). Iederêen krygt ook een handrevolver, vo de Allies een Colt, vo de Axis een Luger.

Mappn

Enigte koartn da je kunt speeln zyn:

Siwa Oasis

De Allies moen êest en oude stad verovern, ton ne meur ipbloazn en ton de twee Anti-tank kanongs vernietign. De Axis moen under teegnhoudn.

Fuel Dump

De Allies moetn ne tank over e brugge krygn die ze moetn bouwn, ton e deure noa ne tunnle kapot schietn en ton den ingang tot het depot kapot schietn. Ton moetn ze de (brandstof)depot ipbloazn.

De Axis moen zorgn da de depot der nog stoat teegn 't ende van den tyd.

Railgun

De Axis moetn e grô kanong loadn met obussn, die weirn ipg'hoald me tringskes, en ton 't kanong ofschietn. De Allies moetn under teegnhoudn.

Externe koppeliengn

• Official Enemy Territory Website (me download van et spel)
• Nederlanstaligen Wolfenstein-site