12 (getal)
Twolve, twoalve of twove is 't getal 12, e natuurlik getal achter elve en voorn dertiene.
Twolve wos een belangryk getal in 't twolfdêlig getalstelsel, dat vôorol in de Angelsaksische landn overtyd gebruukt weirde. In oeze toale weird een groep van twolf dingn angeduud deur een dozyn. Ook in Afrika wordt er nog dikkels gereeknd in 't twolfdêlig stelsel.
Oudste spôorn van twolve
bewerknDer is bovendien nog et Ishango-bêentje (genoemd noa z'n viendplatse in Congo) dat in 1950 wierd ipgegroaven deur den Belg Jean de Heinzelin, een bêentje van 18 à 20.000 joar oud wo dan der spôorn ip stoan van een système da zowel et 10-dêlig ols et 12-dêlig stelsel gebruukt.
Et 12-dêlig stelsel zoudt oenstoan zyn deurdan ze overtyd undern and gebruuktn ols telraam: den duum was de teller en ip de vingerkootjes van de vier andre vingers kosten ze tellen oeverre dan ze ol woaren. Oan ze ton an twolve woarn, kostn ze ip den anderen and een kootje verspriengen toe dan ze an een gros (twolf dozyn of 144) woarn.
Toepassiengen van twolve
bewerkn- twolf moandn in een joar
- twolf eurn in een dag
- twolf olve tôonsafstandn in een octaaf
- twolf sterren ip de Europese vlagge
- twolf apostels van Jezus
- twolf zeuns van Odin
- twolf têekns van de dierenrieme, zowel den onzen ols den Chinesen
- twolve is 't atoomgetal van Magnesium in de tabelle van Mendelev
- twolf functietoetsn ip een PC