Hoofdmenu openen
Adela van Normandië

Adela van Normandie, (ca. 1067 - 8 moarte 1137), was de joungste dochter van Willem de Veroveroare en Mathilda van Vloandern. Ze was e zuster van Robert Curthose, hertog van Normandië, en van twi keuniengn van Iengeland: Willem II Rufus en Hendrik I Beauclerc. Zy en Hendrik Beauclerc woarn de twi joungste en kwoamn ’t best overêen. Lik hem ha z’ook Latyn gestudeerd.

Adela trouwde in 1081 in Breteuil me Stefan II Hendrik van Blois. Z’haan elf jounges w.o. Stefan van Blois, die loater keunienk van Iengeland kwam.

Keunienk Hendrik Beauclerc ha twi jounges, Mathilde van Iengeland en William Adelin, normoal gezien zyn wettign ipvolger, die in 1120 verdrounk in ’t Wit Schip ip ’t Kanoal tusschn Normandië en Iengeland by Barfleur.

Mathilde van Iengeland, die getrouwd was me Godfried Plantagenet vound da ze zy recht haad ip d’ipvolgienge van heur voader achter zyn dôod in 1135. Ze betwistte de krônienge van Stefan van Blois, en da zorgde vor e periode van burgeroorloge in Iengeland, bekend als d’anarchie.

Uutendelyk kost under oudste zeune, Hendrik Curtmantle, Stefan van Blois achter zyn dôod in 1154 ipvolgn als êeste keunienk van Iengeland van 't Huus Anjou, ook de Angevins genoemd.

De dynastie krêeg loater de noame Huus Plantagenet, achter de bynoame van zyn voader.

Adela met heur drie oudste zeuns: Willem, Theobald en Stefan van Blois, die keunienk van Iengeland kwam
Wikimedia Commons