Arcade

En arcade es e boge da gedreegn es deur twee zuuln. Moar meestol sloat 't word arcade up ne deurgank of ne wandelgank da overdekt es deur e reke boogn of gewelvn die up zuuln rustn. Toun spreekn me van e galery of goandery.

Meer specifiek binn den context van gotische kerkgebouwn es en arcade 't ounderste deel van de twee meurn die de zybeukn scheen van de middnbeuke. Me spreekn toun van scheeboogn.

Specioale sortn van arcades:

• e blende arcade es gebouwd tegen ne meur en hèit ginnen deurgank
• e dwerggalery es e klene lege arcade mèi ne loopgank die lanks enen kant oopn es

Arcades round 'n binnhof van 't klooster van Maagdenburg, Duutsland

Blende arcades tegen de meurn van de kathedroale van Soissons, Vrankryk